Банките го намалија кредитирањето на фирмите

Забавува кредитирањето. Според последниот извештај на Народна банка, во август споредено со јули, вкупно, кредитирањето се намалило за 0,3 отсто и тоа во целост се должи на намаленото кредитирање на компаниите.

Во август кредитирањето на компаниите споредено со јули се намалило за еден отсто. Ова, според централната банка, се должи на падот на кредитите во денари, при мал раст на кредитирањето во странска валута.  Сепак, на годишно ниво, кредитирањето на корпоративнито сектор белжи раст од 11,9 отсто.

Во август растеле депозитите на фирмите. Споредено со претходниот месец растот изнесува три отсто. На годишно ниво, заштедите на компаниите се намалени за 3,8 отсто.

Кај секторот домаќинства, растат и кредитите и депозитите. На месечна основа, кредитирањето е зголемено за 0,4 отсто, а депозитите за 0,3 отсто. На годишно ниво, кредитите кон домаќинствата пораснале за 7,7 отсто, а депозитите за 4,6 отсто.

Домаќинствата во август најмногу се задолжувале со автомобилски кредити кредити, а и натаму најзастапени кредити се потрошувачките.