text size
Белград својот прв „Мекдоналдс“ го доби во 1988 година, Љубљана во 1993, а Загреб во 1996 година. Во тогашна Југославија тоа беше прозорец кон Западот, кој не носеше само нови мириси и вкусови, туку и промена на животниот стил и потрошувачката култура. Во време на недостиг, инфлација и ограничена понуда на западни брендови, хамбургерот, помфритот и „Кока-Кола“, заедно со силните неонски светла, препознатливите униформи и амбиентот, делуваа како „бегство“ во забавен американски филм. Парадоксот на тоа време се криеше во фактот што храната што Западот ја сметаше за брза и евтина, во Југославија се доживуваше како „луксуз“. Иронијата на денешното време е што и западните потрошувачи сега го стегаат ременот пред рестораните на „Мекдоналдс“.
.webp){kind=icon}
