.webp){kind=icon}
Скопјани денеска нема да можат да ги користат услугите на јавниот градски превоз откако синдикатите на Јавното сообраќајно претпријатие (ЈСП) вчера најавија дека од 04:30 часот наутро автобусите нема да возат.
Проблемот со неисплатените плати на вработените во ЈСП вчера беше тема и на вонредната седница на Советот на Град Скопје каде доцна попладнето беше изгласана иницијативата со која се побара од градоначалничката на Град Скопје до петок до 12 часот да достави одлука за прераспределба на средства за да се исплатат платите.
Од синдикатите вчера за МИА изјавија дека градоначалничката Данела Арсовска ќе мора ваквата одлука да ја донесе уште денес, затоа што, според нив, петок е многу доцна. Следната седница на Советот е закажана за петок во 14 часот, но постојат можности и денеска да биде свикана вонредна седница на градскиот Совет доколку биде доставена одлуката.
Прочитај повеќе
Хаос во ЈСП, најавата за штрајк засенета од дојава за бомба
Дојава за бомба, предизвика прекин во функционирањето на јавниот градски превоз, во пресрет на најавениот протест на вработените во ЈСП поради неисплатени плати.
19.10.2022
Синдикатите вчера ја напуштија седницата на Советот револтирани дека нема договор за нивните барања.
– Репрезентативните синдикати на ЈСП беа присутни на вонредната седница на Советот на Град Скопје и очекувавме брз и експресен одговор по иницијативите што ги дават политичките партии дека одредени средства ќе се префрлат на сметката на ЈСП и ќе се исполнат обврските кон вработените. Бевме наивни мислејќи дека тоа ќе се случи. Сагата продолжи до нешто пред 17 часот кога баравме збор од спикерот и не го добивме по што седницата на Советот се прекина за да може да одговориме што ќе преземат синдикатите во текот на утрешниот ден, изјави вчера претседателот на синдикалната организација на ЈСП Миќо Стојановски.
Советниците во Град Скопје вчера меѓусебно се обвинуваа кој е виновен за состојбата во која е доведено ова јавно претпријатие. Од ВМРО-ДПМНЕ побараа одговорност од Арсовска, а од СДСМ обвинија дека за првпат скопјани ќе останат без градски превоз и дека за тоа е виновна локалната власт.
Вчера со неколку автобуси раководството на ЈСП ја блокираше и улицата пред Владата поради неисплата на долг од два милиони евра, а вработените протестираа во кругот на претпријатието поради неисплатата на заостаната плата.
Денеска во главниот град возат само приватните автобиси, кои иако сообраќајат по зачестена фрекфенција, сепак тие не се ни приближно доволни бидејќи покриваат само неколку линии од стотина колку што ги има јавното претпријатие ЈСП Скопје.
