.webp){kind=icon}
Идниот главен извршен директор на „Adidas AG“ ќе наследи тешка работа. Компанијата вчера предупреди дека непродадените производи се трупаат додека побарувачката во Кина и на западните пазари слабее. Поради тоа акциите на германскиот производител на спортска опрема паднаа за дури 10 проценти.
Проблемите се трупаат по заминувањето на главниот извршен директор Каспер Рорштед, вклучувајќи ја кризата со публицитетот поради здружувањето со раперот и дизајнер Канје Вест. Кој и да го замени Рорштед на позицијата главен извршен директор следната година, ќе мора да осмисли интересни производи бидејќи иднината на најпродаваните линии е доведена во прашање.
Акциите на Адидас сега ја загубија целата добивка остварена во текот на шестгодишниот мандат на претходниот генерален директор, оставајќи ја германската компанија со пазарна вредност отприлика колку една шестина од американскиот ривал „Nike Inc“.
Прочитај повеќе
Генералниот директор на 'Адидас' поднесе оставка
Гигантот за спортска опрема е принуден да бара ново лице за челната позиција во компанијата.
23.08.2022
Не многу оптимистичките изгледи за добивката на компанијата се одраз на влошените трендови на прометот во трговијата во Кина и забавувањето на побарувачката на западните пазари во септември. Тоа веројатно ќе доведе до зголемување на залихите, кои ќе мора некако да се продадат.
Адидас веќе објави слабост во Кина во своето јулско предупредување. Таа држава некогаш беше најголем двигател на растот на брендот, но бојкотот од потрошувачите и Ковид ограничувањата ја намалија продажбата. Дополнително, растечката инфлација на западните пазари ја намали куповната моќ на потрошувачите.
Годишниот приход, сепак, ќе порасне по средна едноцифрена, а не по висока едноцифрена стапка на раст, соопштија од Адидас. Германската компанија ги намали своите прогнози за овогодинешната оперативна маржа на 4 од 7 отсто и тоа во неочекувано ажурирање.
Попустите заради чистење на залихите може да го принудат новиот челник на компанијата да се откаже од финансиските цели на Адидас за 2025 година, смета Пирал Деданија од „RBC“.
Заостанатите залихи ја оптеретуваат целокупната индустрија. Мионатиот месец акциите на Најк паднаа откако големи количини несакани производи ја нагризаа профитабилноста на американскиот гигант за спортска опрема.
Канје Вест во последните недели предизвика многу контроверзи и блокиран му е пристапот до Твитер и Инстаграм после повторените антисемитистички објави. Вчера Здружението за борба против клевета испрати отворено писмо до Адидас во кое што вели дека изненадува и загрижува фактот дека Адидас продолжува да ги продава „Yeezy“ производите, линијата во соработка со Канје Вест.
Откако здружението ја повика компанијата да даде своја изјава дека нема толеранција спрема антисемитизмот, Адидас рече дека неколку пати се обиделе приватно да го решат проблемот и повторија дека партнерството е во фаза на ревизија.
Германската компанија вчера, исто така, соопшти дека овогодинешната добивка ќе биде намалена поради еднократните трошоци поврзани со проблемите поради прекинот на работењето во Русија, во износ од околу 500 милиони евра.
Адидас најави програма за ефективност, која во иднина би требало да ги компензира зголемените трошоци и добивката за околу 200 милиони евра. Сепак, тоа ќе значи трошок од 50 милиони евра во последниот квартал годинава.
