Акционерите на „Мета“ (Meta Platforms Inc.) скапо ги плаќаат трошоците за метаверзумот - пазарната вредност на матичната компанија на Facebook падна за неверојатни 520 милијарди долари во изминатата година, а сега е на работ да го загуби рангот меѓу 20. најголеми американски компании.
Ваквата казна не покажува знаци на олеснување во скоро време. Акциите на Meta беа намалени за 19 отсто во претпродажното тргување, откако ги исплаши инвеститорите со големите трошоци за финансирање на нејзината верзија на виртуелна реалност и пад на приходите.
Мета беше шестата по големина американска компанија по пазарна капитализација на почетокот на годината, флертувајќи со пазарна вредност од илјада милијарди долари. Десет месеци подоцна и вредноста ќе изнесува околу 283 милијарди долари, рангирајќи ја компанијата на 20-то место во случај да пристапи кон редовно тргување. Сега ќе котира пониско од компани како „Шеврон“ (Chevron Corp.), „Ели Лили“ (Eli Lilly & Co.) и „Проктер енд гембл“ (Procter & Gamble Co).
Прочитај повеќе
'Мета' сака да работите во виртуелна реалност. Како изгледа тоа?
Искуство од учеството на виртуелниот настан Meta Connect 2022, преку хедсетот Oculus Quest 2.
13.10.2022
Некогаш миленик на Волстрит, Meta постепено ја губи наклонетоста кај брокерите. Најмалку две инвестициски банки - „Морган Стенли“ (Morgan Stanley) и „Кибанк Капитал Маркетс“ (KeyBanc Capital Markets) - го намалија својот рејтинг на акциите, повикувајќи се на зголемените трошоци.
„Мета останува премногу агресивна со своите инвестиции во долгорочни иницијативи и покрај наглото забавување на очекуваниот раст на приходите“, вели Мандип Синг, аналитичар во Bloomberg Intelligence.
И покрај тоа што падот пред тргувањето во четвртокот е голем, тој е бледо издание во споредба со рекордот во февруари кога падна за 26 отсто поради лошите резултати во заработката и збриша околу 251 милијарда долари пазарна вредност. Тоа е најголемото бришење по пазарна вредност за која било американска компанија досега.
Падот на акциите годинава ги привлече инвеститорите кои купуваат пропаднати акции во очекување на пресврт. Но, нема знаци дека тие облози наскоро ќе се исплатат.
Meta ја објави својата промена кон инвестирање во вирулна реалност пред една година, заедно со промената на името на компанијата од Facebook Inc. во Meta Platforms. Компанијата во средата соопшти дека очекува вкупните трошоци за годинава да бидат од 85 до 87 милијарди долари.
.webp){kind=icon}
