„Џенерал моторс“ (ЏМ) планира да им каже на инвеститорите дека компанијата очекува нејзината програма за електрични возила да биде профитабилна во 2025-та, истата година за кога планира продажба на еден милион автомобили на батерии, велат извори упатени во работата на компанијата.
Главната извршна директорка Мери Бара ќе го изнесе планот на ЏМ на Денот на инвеститорите, 17 ноември, со што ќе покаже дека производителот на автомобили може да ги покрие инвестициите во фабриката за батерии и монтажа, како и да ја зголеми маржата за производството на батерии.
Раководителите, исто така, планираат детално да го опишат настојувањето на ЏМ да прејде од загуба со продажбата, од само околу 44.000 електрични возила оваа година во САД, на профитабилно работење, велат изворите, кои сакаа да останат анонимни бидејќи презентацијата сѐ уште не е јавно објавена.
Прочитај повеќе
Рено го издвојува бизнисот со електрични возила, се надева на 10 милијарди евра
Ентитетот, наречен „Ampere“, е дел од ремонтот што главниот извршен директор Лука де Мео ќе им го претстави на инвеститорите
05.11.2022
„Rolls-Royce“ го претстави „Spectre“, својот прв електричен автомобил
Брзина од 100 км/час постигнува за 4,4 секунди, максимално вози 250 км/час, а се полни за 34 минути
23.10.2022
По неколку години развој, ЏМ сигнализира дека конечно се подготвени за почеток на производство на електрични возила во доволни количества и со новиот пакет батерии очекуваат да се зголеми продажбата и да почнат да се намалуваат трошоците. Се очекува дека продорот на пазарот на електрични возила сериозно ќе се придвижи следната година.
ЏМ сака да докаже дека наскоро ќе биде еден од водечките играчи во индустријата што ќе ги заменат моторите со внатрешно согорување со електричен погон. Во исто време, патот до продажбата на електрични возила во голем број и остварувањата на профитабилна продажба во период од три години, исто така нагласува колку заостануваат другите производители на автомобили во споредба со „Тесла“, компанијата што минатата година заработи 5,5 милијарди долари нето-приходи од продажба само на електрични возила.
Акциите на ЏМ на денешното тргување на берзите паднаа за два процента, на 40,29 долари. Досега оваа година акциите паднаа за 32 отсто. Стимулот на Бара за електрични возила е најголем дел од планот што ЏМ минатата година го најави за удвојување на приходите до 2030 година, на околу 280 милијарди долари. Напорот се потпира на растечките пазарни удели на создавање низа електрични модели што се продаваат паралелно со возилата со внатрешно согорување.
Компанијата, исто така, ќе се обиде да оствари нови приходи од услугите поврзани со софтверот и своите единици возила со автоматски возач.
Аналитичарот од Бенк оф Америка, Џон Марфи, предвидува дека ЏМ може да го надмине „Тесла“ во продажбата на електрични возила до 2025 година едноставно затоа што ЏМ ќе понуди повеќе модели и ќе има поголемо производство дотогаш. Додека ЏМ очекува дека неговата програма на електрични возила ќе почне да генерира добивка за три години, моделите со батериски погон и натаму ќе имаат пониска маржа од неговите возила со внатрешно согорување.
„Добивката од постојната линија ќе продолжи да го финансира развојот на електрични возила со повеќе од две милијарди долари годишно, кои ЏМ ги троши на својата единица ’Круз’“ , рече еден од изворите.
На презентацијата за работата и плановите на компанијата ќе бидат и претседателот на ЏМ, Марк Ројс, главниот финансиски директор, Пол Јакобсон, и шефовите за развој на производството Дог Паркс и Тревис Кец, кои ја водат работата на ЏМ со електричните возила.
Паркс ќе објасни како ЏМ има намера да ја зголеми густината на силата во своите батерии и со тоа да ги намали трошоците. ЏМ смета дека батериите ќе бидат за 60 проценти поевтини за изработка и очекува дека следната генерација батерии, која ќе започне со производство во следните неколку години, ќе падне за дополнителни 40 отсто.
.webp){kind=icon}
