Обожавателите на шампањот толку се ентузијастични поради излегувањето од ковид-ограничувањата и спласнувањето на пандемијата, што ги пијат дури и резервите од „Моет Хенеси“.
„Ни снемува резерви од некои од врвните шампањи“, рече извршниот директор Филип Шаус, во интервју за Блумберг ТВ, додавајќи дека има и добри вести на видик, а тоа е дека со новата година ќе се обноват и резервите.
По почетниот пад во првите денови од пандемијата, најголемите имиња во луксузната индустрија известуваат за „луда“ потрошувачка. „ЛВМХ Моет Хенеси Луј Витон СЕ“ (LVMH Moet Hennessy Louis Vuitton SE )успеа да ги надмине процените на аналитичарите дури во четири од пет главни сектори во својата заработка, додека „Хермес интернешнл“ (Hermès International) забележа раст на приходите од 24 проценти, вклучувајќи ја и промената на движењата во однос на поскапувањето на производите.
Но додека од една страна имотните потрошувачи сигнализираат дека и натаму имаат желба да трошат за скапи производи, од друга страна светската економија е во проблеми.
„Инфлацијата е клучен елемент на неизвесноста“, рече Шаус. „Порастот на трошоците за суровини може да значи дека компанијата ќе ги зголеми цените на некои од производите за висока едноцифрена или ниска двоцифрена стапка“, додаде извршниот директор на компанијата.
.webp){kind=icon}
Во моментов нема коментари за веста. Биди прв да коментира...