Руската „Сбербанк“ (Sberbank) поднесе тужба против европскиот одбор за санација на банки поради одлуките за продажба на нејзините филијали во Хрватска и Словенија и затворањето на онаа во Австрија, по воведувањето санкции против Русија, пренесува хрватската агенција „Хина“.
Кон крајот на февруари, Европската централна банка (ЕЦБ) процени дека филијалите на „Сбербанк“ во Австрија, Хрватска и Словенија би можеле да пропаднат поради ненадеен и голем одлив на депозити поттикнати од западните санкции против Русија поради нејзината инвазија на Украина.
ЕЦБ заклучи дека Sberbank Europe AG „најверојатно нема да може да ги плаќа своите долгови или други обврски навреме во блиска иднина“, се вели во соопштението од февруари.
„Sberbank Europe AG и нејзините подружници доживеаја значителен одлив на депозити бидејќи геополитичките тензии влијаеја на (нивната) репутација. Ова доведе до влошување на нивната ликвидност и нема расположливи мерки со реални шанси за враќање на таа ликвидност на ниво на групацијата и во секоја нејзина подружница во банкарскиот сојуз“, се додава во него.
Единствениот санациски одбор се согласи со оценката на ЕЦБ и, во соработка со Хрватската народна банка, ја одобри продажбата на хрватската филијала на „Сбербанк“ на Хрватската поштенска банка. Филијалата на „Сбербанк“ во Словенија беше продадена на Нова љубљанска банка.
Програмите за рехабилитација на хрватските и словенечките филијали преку продажба ги одбори и Европската комисија, потврдувајќи ја одлуката на одборот затворањето на австриската Sberbank Europe AG да му се препушти на домашниот регулатор.
На 22 август, руската „Сбербанк“ поднела тужба против оборот за санација на банки пред Европскиот општ суд, барајќи поништување на неговата одлука.
Во тужбата, банката, меѓудругото, наведува дека одборот направил „очигледна грешка“ при проценката на условите поврзани со програмата за рехабилитација и го прекршила „фундаменталното право на сопственост и слободата на претприемништвото“.
.webp){kind=icon}
