.webp){kind=icon}
Поранешната извршна директорка на „Аламеда рисрч“ (Alameda Research), Керолин Елисон, рече дека таа и ко-основачот на FTX, Сем Банкмен-Фрид, свесно ги довеле во заблуда заемодавците за тоа колку оваа, сега банкротирана, трговска фирма позајмувала од криптоберзата.
Елисон го даде својот прв јавен извештај за нејзините постапки на сослушување на 19 декември во федералниот суд на Менхетен. „Знаев дека тоа не е во ред“, рекла таа, според транскриптот од сослушувањето. Тој ден изјава даде и ко-основачот на FTX, Гери Ванг.
„Од 2019 до 2022 година, бев свесна дека на 'Аламеда' ѝ беше овозможен пристап за позајмување до FTX.com, берзата за криптовалути управувана од г-дин Банкмен-Фрид“, рече Елисон. „Во практична смисла, овој аранжман ѝ дозволи на 'Аламеда' пристап до неограничена кредитна линија без да се бара да објавува колатерал, без да има негативни салда и без да биде предмет на повици за маржа при протоколите за ликвидација на FTX.com“.
Прочитај повеќе
Банкмен-Фрид ослободен со кауција од 250 милиони долари
Во кауцијата е вклучена и гаранција со имот - куќата на неговите родители
22.12.2022
Уште лоши вести за Банкмен-Фрид, блиски соработници се свртеа против него
Коосновачот на FTX е екстрадиран во САД во момент кога негови долгогодишни соработници посочија дека соработуваат со обвинителите.
22.12.2022
„Аламеда“ имала тајна предност во брзината, вели американскиот регулатор
Компанијата имала тајна предност во брзината при извршувањето на налозите за купување или продавање на криптоберзата.
14.12.2022
Новиот шеф на FTX го откри хаосот што зад себе го оставил Банкмен-Фрид
Советниците кои го надгледуваат колапсот на FTX Group објавија неверојатен список на обвинувања против поранешното раководство.
18.11.2022
Банкмен-Фрид (30) е обвинет за организирање на долгогодишна измама во која користел милијарди долари од средствата на клиентите на FTX за лични трошоци и високоризични облози преку „Аламеда“. Во интервјуата по банкротот на FTX, Банкмен-Фрид постојано велеше дека не знаел што се случува во „Аламеда“, став кој сега е поткопан од изјавите на Ванг и Елисон.
Елисон и Ванг се изјаснија за виновни по обвиненијата за измама и соработуваат со федералните обвинители на Менхетен. Претставник на Банкмен-Фрид не одговори веднаш на барање за коментар за изјавите на Ванг и Алисон. Поранешниот главен извршен директор на FTX во четвртокот беше ослободен со кауција од 250 милиони долари.
Bloomberg Mercury
Според Елисон, „ако FTX сметките на 'Аламеда' имале значителни негативни салда во која било валута, тоа подразбирало дека компанијата позајмува средства што клиентите на FTX ги депонирале на берзата“.
Елисон рече дека таа и Банкмен-Фрид се согласиле да го кријат овој аранжман од заемодавачите и направиле лажни финансиски извештаи за да го сокријат износот на задолжување на „Аламеда“, вклучително и милијардите во заеми дадени на директорите на FTX.
Во неговото сослушување, Ванг рече дека бил „упатен“ да направи промени во кодот на платформата FTX за кои знаел дека ќе ѝ дадат посебни привилегии на „Аламеда“ и дека се креирале погрешни претстави за клиентите и инвеститорите. Ванг беше главен директор за технологија во FTX.
Bloomberg
„Знаев дека тоа што го правам е погрешно“, истакнал Ванг, според транскриптот.
Елисон претходно негираше дека „Аламеда“ има посебен третман од FTX. „Ние сме усогласени и не добиваме поразличен третман од другите на пазарот“, изјави Елисон за „Блумберг њуз“ во интервју во текот на летото.
Обвинителите велат дека во конструкцијата на случајот користат сведочења, дигитални комуникации преку апликации како „Сигнал“ (Signal) и „Слек“ (Slack), писма до инвеститори и заемодавачи, како и софтвер и бази на податоци поврзани со пропаднатата криптоимперија FTX.
