.webp){kind=icon}
„Тесла“ (Tesla Inc) денеска во Кина направи ново намалувања на цените на своите електрични возила, моделот „3“ и моделот „Y“, истовремено претставувајќи ги своите лимузини, седанот од моделот „S“ и моделот „X“ за подобро да се одржи на премиум-делот во најголемиот светски пазар за возила на електричен погон.
Почетната цена за неговото локално произведено спортско возило, моделот „Y“, е намалена на рекордно ниско ниво од 37.875 долари. Таа верзија со стандарден опсег, со погон на задните тркала, чини 43 проценти помалку од најосновниот модел „Y“ достапен во САД, кој има подолг опсег и е со погон на сите тркала. Намалена е и цената на моделот „3“ на 33.500 долари, што е за околу 30 отсто поевтино отколку во САД.
„Тесла“ веќе еднаш ги намали цените во Кина минатата година за да ја зголеми продажбата, бидејќи конкуренцијата се загрева и во масовниот и во премиум-сегментот и од страна на тамошните, но и од странските производители на возила на електричен погон.
Bloomberg Mercury
„Тесла“ соопшти дека нејзиниот новопретставен модел „S“, со редизајнирана внатрешност, е по цена од 115.000 долари во Кина, додека карираната верзија, најбрзиот автомобил на „Тесла“, на која ѝ се потребни само 2,1 секунди за да развие брзина од нула до 100 километри на час, ќе се продава за 147.000 долари. Теренецот, модел „X“, е со цена од 128.201 долар, а моделот „X Plaid“ започнува од 151.500 долари.
„Испораките ќе започнат во вториот квартал од оваа година“, соопштија од „Тесла“. Компанијата со седиште во Остин, Тексас, е доминантен играч во кинескиот масовен пазар на електрични возила за автомобилите што не чинат повеќе од 44.000 долари. „Тесла“ го локализира производството на седаните модел „3“ на крајот од 2019 година, кога отвори фабрика во Шангај, со капацитет на производство од 450.000 автомобили годишно. Оттаму започна да го испорачува и моделот „Ys“ во јануари 2021 година.
„Тесла“ испорача над 710.000 возила од Шангај во 2022 година, што претставува околу 54 проценти од нивната продажба во светот. Испораките забавија на околу 56.000 во декември, што беше речиси преполовен број од ноември, бидејќи производството беше суспендирано поради надградба на опремата, но улога имаше и слабата побарувачка.
Претходно оваа недела, „Тесла“ објави дека глобалните испораки се пониски од очекуваните веќе трет квартал по ред, што во вторникот предизвика пад на цената на нивните акции од дури 12 проценти. Производителот на автомобили денеска, исто така, ги приспособи цените на своите автомобили од моделот „3“ и моделот „Y“ и во Јапонија. Почетното ниво на моделот „3“ беше намалено за 10 проценти, на 40.300 долари, додека моделот „Y“ падна за 9,9 отсто, на 43.200 долари.
