.webp){kind=icon}
„Кредит Свис“ (Credit Suisse) планира да отпушти повеќе од 10 проценти од своите европски инвестициски банкари оваа година, што ќе придонесе за губење стотици работни места во Лондон и во Цирих, објави весникот „Фајненшл тајмс“ (Financial Times), цитирајќи лица што се запознаени со плановите.
Швајцарската банка го намалува бројот на вработени во своите оддели откако минатата година објави планови за намалување на 9.000 работни места на глобално ниво до 2025 година. Натамошните отпуштања доаѓаат откако банката, која е погодена од кризата, се подготвува следниот месец да ја објави својата втора последователна годишна загуба.
Бранот на кратења на работни места го погоди светот на инвестициското банкарство со рецесијата што се наѕира и откако паднаа приходите. „Голдман Сакс“ (Goldman Sachs Group Inc), „Морган Стенли“ (Morgan Stanley), „Кредит Свис“ и „Барклис“ (Barclays Plc) или отпуштија персонал или најавија дека планираат да го сторат тоа во наредните месеци.
Прочитај повеќе
Криптокомпаниите веќе скратија над 1.600 работни места оваа година
Најмногу откази има во „Коинбејс“ - дури 950, или 20 отсто од вкупната работна сила на компанијата.
13.01.2023
„Голдман Сакс“ започнува со најголемите отпуштања по 2008 година
Неделава започнува едно од најголемите кратења на работни места, при што се очекува да бидат укинати околу 3.200 позиции.
09.01.2023
„Амазон“ отпушта околу 18.000 работници
Првичниот план на компанијата предвидуваше кратење на околу 10.000 работни позиции.
05.01.2023
