Најголемиот неделен пораст на „Тесла“ (Tesla Inc) од 2013 година им нуди на инвеститорите трошка надеж дека најлошото конечно можеби завршило за производителот на електрични возила на Илон Маск по катастрофалната 2022 година. Акциите на оваа компанија пораснаа за 33 проценти оваа недела, најмногу по порастот од 41 отсто, остварен во мај 2013 година. Само вчера акциите скокнаа дури за 11,5 проценти, на 178,70 долари, највисоко од 9 декември.
„'Тесла' апсолутно го виде дното, луѓето едноставно мислеа дека акциите се претерани. Сега, кога дојде до отскок, следниот потег повеќе ќе се заснова на фундаментите. Не беше лесно да се вратат овде. Потребни беа квартални резултати подобри од очекуваните, зборови на уверување од Маск и кредитна обврски од пет милијарди долари за да се ослободат од минатогодишниот мрак“, рече Кетрин Фадис, виша управителка на портфолија во „Фернвуд инвестмент“ (Fernwood Investment Management).
Една голема пречка за акциите ќе дојде следната недела, кога се очекува Банката на федералните резерви (ФЕД) да ги зголеми стапките и да даде насоки за патот за идните зголемувања. Јастребовиот тон може да го попречи силниот почеток на годината на „Тесла“. Се чини дека трговците не изгледаат загрижено.
Bloomberg Mercury
Кварталните резултати, објавени во средата, и конференцискиот повик на Маск им ја дадоа на инвеститорите многу потребната јасност за стратегијата на компанијата. Лидерот на „Тесла“ ги отфрли грижите околу апетитот на клиентите за возилата на компанијата, велејќи дека нарачките доаѓаат со речиси двојно поголема стапка од производството откако производителот на електрични возила ги намали цените пред две недели.
„Иако веруваме дека оваа стапка на нарачки можеби нема да се одржи при слабото макроекономско опкружување, тоа би значело дека компанијата добро ја следи нашата процена за испорака од 1,8 милион возила“, напиша Марк Дилејни, аналитичар во „Голдман Сакс“ (Goldman Sachs Group Inc). „Уште поважно е што зголемените нарачки сугерираат дека секое дополнително намалување оваа година би можело да биде поодмерено отколку што се очекуваше“, додаде тој.
Сепак, брегот е далеку од чист, особено бидејќи бројот на ривали постојано расте.
„Просторот на електричните возила имаше малку вистински конкуренти до пред само неколку години“, рече Зено Мерсер, истражувачки аналитичар во РОБО (ROBO Global), чија вештачка интелигенција ETF (ознака THNQ) ја држи „Тесла“. Тој додаде и дека врз основа на нејзиниот сооднос на цена и заработка, акциите се многу поскапи од нејзините конкуренти, така што компанијата мора да работи со повисок стандард за да продолжи да забележува добивки од акциите.
Иако процените на „Тесла“ се пониски во однос на изминатите години, тие повторно се зголемуваат и се над просекот за технолошкиот индекс Nasdaq 100. Споредбата со старите автомобилски компании, како „Џенерал моторс“ (General Motors Co) и „Форд“ (Ford Motor Co), е уште поостра.
Заработка на „Тесла“ во споредба со „Џенерал моторс“, „Форд“ и индексот Nasdaq 100 / Bloomberg Mercury
А, тука е и ефектот на Маск. Како што покажа минатата година, лидерот на „Тесла“ може да биде и благодат и проклетство за компанијата.
„Со ’Тесла’ постои и секогаш присутен ризик од специфичните факти и факторите поврзани со расположението, кои може да ја поттикнат нестабилноста. Се чини дека стабилноста на цената на акцијата е најмалку веројатен исход овде“, рече аналитичарот на „Морган Стенли“ (Morgan Stenley), Адам Џонс, кој ја одбра „Тесла“ за свој главен избор за американски автомобили.
.webp){kind=icon}
Во моментов нема коментари за веста. Биди прв да коментира...