„Јаху“ (Yahoo Inc.) ќе укине околу 1.000 работни места почнувајќи од оваа недела, или околу 12 отсто од својата работна сила, што е прв круг на кратења во поголемиот план за реструктурирање на нивниот оддел за рекламирање во услови на бран на отпуштања во индустријата.
Компанијата во сопственост на „Аполо глобал менаџмент“ (Apollo Global Management Inc) планира да го намали бројот на вработени во својата технолошка единица „’Јаху фор бизнис’ (Yahoo for Business) за речиси 50 отсто до крајот на 2023 година, или над 20 отсто од работната сила на ’Јаху’“, изјави портпаролот на компанијата.
„Овие промени објавени денеска треба да се гледаат во светло на подобро бизнис-дејствување на секторот понатаму“, рече извршниот директор Џим Ланзоне во интервју во четвртокот. „Компанијата направи преголем залак во обидот да го направи одделот функционален во текот на годините, но како самостојна компанија мораме да имаме реален поглед на тоа како ги распоредуваме нашите ресурси“.
Компаниите што нудат услуги за дигитално рекламирање се соочуваат со несигурни клиенти, кои се загрижени за неизвесната економска клима. Преструктурирањето на „Јаху“ ќе создаде нов оддел, наречен „Јаху адвертајзинг“ (Yahoo Advertising), кој ќе ги координира тимовите за продажба на реклами низ секторите на компанијата, вклучувајќи ги „Јаху фајненс“, „Јаху њуз“ и „Јаху спортс“.
Компанијата е „многу профитабилна“, рече Ланзоне, додавајќи дека отпуштањата се должат на реструктурирање, а не на проблеми на пазарот на реклами. „Ќе ги направевме овие промени дури и ако пазарот беше на својот врв“, нагласи тој.
„’Јаху’ продолжува агресивно да вработува“, додаде Ланзоне, а вработените што ќе останат без работа ќе бидат земени предвид за други улоги во компанијата.
.webp){kind=icon}
