.webp){kind=icon}
„Ворнер брос дискавери“ (Warner Bros. Discovery Inc.) ќе додаде илјадници наслови - од својата документарна програма со емисии од различни сфери на животот - на својата водечка услуга за стриминг Ејч-би-о макс (HBO Max) без да ја зголеми цената.
Компанијата планира да наплаќа по 10 долари месечно за опцијата со рекламирање на новата услуга, која се очекува да го носи името Макс (Max), и 15 или 16 долари месечно за верзијата без реклами, според луѓе запознаени со плановите на компанијата. Тоа се моменталните цени за „Ејч-би-о макс“.
„Ворнер брос“ исто така ќе продава нова претплата со повисока цена за околу 20 долари месечно, нудејќи подобар квалитет на видеото и евентуално други функции, велат извори што побарале да не бидат именувани бидејќи станува збор за внатрешни прашања. Компанијата сè уште работи на плановите и можно е тие да се променат.
Главниот извршен директор Дејвид Заслав се обложува дека додавањето на документарната програма со емисии од животот на „Дискавери“ ќе го зголеми бројот на луѓе што сакаат да платат за услугата, што се натпреварува со „Нетфликс“, „Дизни+“ и „Амазон“. „Ворнер брос“ планира да ја преименува услугата, верувајќи дека името Ејч-би-о (HBO) одвраќа многу потенцијални претплатници.
Заслав планира нова услуга за стриминг откако го оркестрираше спојувањето на „Ворнер медија“ (WarnerMedia), родител на „Ејч-би-о“ и „Ворнер брос“, со „Дискавери комуникејшнс“ (Discovery Communications), која поседува неколку кабелски мрежи. Двете компании имаа свои услуги за стриминг, Ејч-би-о макс (HBO Max) и Дискавери+ (Discovery+). Услугата на „Дискавери“ ќе продолжи да работи.
Вкупно, „Ворнер брос дискавери“ има 96,1 милиони претплатници што плаќаат, од кои повеќето добиваат Ејч-би-о макс. Заслав беше критичен за пристапот на претходниот менаџмент кон Ејч-би-о макс, тврдејќи дека компанијата потрошила премногу пари на програми, а не се фокусирала на профит. Сериите на „Ејч-би-о“ добиваат најмногу награди од која било ТВ-мрежа, но се зад „Нетфликс“, „Дизни+“ и „Амазон“ за десетици милиони претплатници.
Заслав промени многу политики на компанијата, вклучувајќи ја и продажбата на Ејч-би-о макс преку продавницата за канали на „Амазон“ (Amazon.com Inc.), своевиден маркет за стриминг-услуги. Тој исто така го обнови договорот за продолжување на лиценцирањето на емисиите на Ејч-би-о на „Фокстел“ (Foxtel) во Австралија и „Ју некст“ (U-Next) во Јапонија.
„Ворнер брос“ ќе ги открие плановите за својата стриминг-услуга на прес-конференција во април и планира да ѝ ја претстави услугата на јавноста во следните недели.
