.webp){kind=icon}
Францускиот министер за финансии Bruno Le Maire вели дека е одлучен во намерата за постигнување договор во рамките на Европската Унија за глобалниот минимален данок на добивка, заради што се судри со Унгарија за време на денешниот состанок на официјалните лица во Луксембург.
Несогласувањата околу тоа како да се имплементира давачката го следеа француското претседателство со ЕУ кое завршува на крајот на јуни. Се додека Унгарија не ги обнови своите противења деновиве, договорот изгледаше блиску, откако претходно Полска, која исто така имаше задршки, навести дека може да даде зелено светло за возврат за определни отстапки во текстот на документот.
„До последната секунда, до последниот час, од последниот ден на француското претседателство со ЕУ, ќе се борам за овој текст за минималниот данок да биде усвоен“, рече Le Maire пристигнувајќи на состанокот во Луксембург.
Инертноста во Европа може да има пошироки последици за имплементација на глобалниот договор, кој ќе вклучи нови правила за даночење на мултинационалните компании во земјите во кои работат, и кој лани беше поддржан од над 135 земји, вклучувајќи ги и сите од ЕУ. Во знак на важноста за имплементација во Европа, американската министерка за финансии, Janet Yellen, ја посети Варшава и разговараше со полските власти минатиот месец.
Отстапката за Полска да даде согласност подразбира засилена заложба на ЕУ дека ќе го разгледа напредокот на имплементацијата на Првиот степен од договорот, кој ги покрива технолошките гиганти како Apple Inc и Facebook. Ако излезе дека има недостатоци до средината на 2023, блокот ќе почне да работи на одвоена директива која ќе се однесува на овој дел од глобалниот договор со ЕУ.
Министерот во унгарската владата Gergely Gulyas денеска рече дека Будимпешта не се согласува со минимум данок, познат како Втор степен, затоа што постои сомнеж дека некои земји, вклучувајќи ги и САД, ќе ја следат ЕУ и може да го остават блокот во неповолна позиција во однос на конкуренцијата. Рече исто така Унгарија е загрижена дека најновиот нацрт не овозможува да бидат таргетирани и технолошките компании.
„Владата не го поддржува воведувањето на минимален данок на добивка“, изјави Gulyas. „Со оглед на тоа дека е потребна едногласност, ваквата одлука не може да биде донесена”.
Le Maire рече дека сите технички прашања што сега ги покрева Унгарија одамна се решени и постои взаемно разбирање во Европа дека придвижувањето напред е од финансиски, економски и политички интерес на блокот.
„Во Франција, тоа се нарекува приказна што никогаш не завршува“, вели Le Maire. „Јас не се откажувам од ништо и нема да се откажам од ништо заоа што се работи за прашање кое се донеусва на праведноста и финансиската ефикасност“.
