„Кредит Суис“ се соочува со можни дисциплински постапки

„Кредит Суис“се соочува со закана од можна истрага и дисциплинска постапка за тоа како врвните менаџери ја воделе банката пред нејзиниот колапс и преземање од „УБС“, изјави швајцарскиот банкарски регулатор за весникот „НЗЗ Зонтаг“.

„„Кредит Суис“ имаше културен проблем што се претвори во недостиг од одговорност“, рече претседателката на „Финма“, Марлен Амстад за неделниот весник.

„Често не беше јасно кој за што е одговорен. Ова фаворизираше несовесно справување со ризиците“, додаде таа.

Дали да се започне нова постапка останува „отворено прашање“, рече таа, додавајќи, „ние не сме агенција за спроведување на законот, но ги истражуваме опциите“.

Портпаролот на „Кредит Суис“ одби да коментира.

Купувањето на „Кредит Суис“ од страна на „УБС“  со посредство на Владатата беше широко критикувано и од политичарите и од обичните граѓани во Швајцарија. „Финма“, особено, се најде под лупа за тоа дали требаше да стори повеќе за да го спречи колапсот на „Кредит Суис“.

Амстад ја отфрли критиката дека „Финма“ не интервенирала навреме или доволно агресивно за да се справи со проблемите на „Кредит Суис“, укажувајќи на шесте извршни постапки против банката во последниве години.

„Интервениравме рано, и тоа многу интензивно, каде што имаше прекршување на законот за надзор. Но, кога се однесуваме грубо, тоа обично не се гледа“, изјави таа за НЗЗ.

„Замислете да станеше познато дека веќе работиме на налогот за реструктуирање на „Кредит Суис“ во ноември или дека сме побарале од „Кредит Суис“ да подготви алтернативни решенија за случајот“, ведли Амстад.

Повторувајќи ги коментарите на швајцарскиот министер за финансии, Амстад рече дека идејата за национализација на банката е отфрлена со оглед на тоа дека има „неколку добри примери“ за таа опција на кои треба да се укаже и тоа би значело дека Владата ги презема сите ризици од билансот на состојба на „Кредит Суис“.

Слично на тоа, Амстад, исто така, се спротивстави на идејата дека е вршен прекумерен притисок врз Швајцарија, велејќи: „Швајцарските власти сами одлучија кое решение е најдобро“.

За да одговори на загриженоста дека споената банка е преголема за да пропадне, рече Амстад, во иднина „УБС“ ќе се соочи со „прогресивно повисоки барања за капитал и ликвидност“.

Швајцарија беше критикувана затоа што не ѝ даде на „Финма“ соодветни алатки со кои може да ги казни банкарите и да го одврати лошото однесување. Амстад рече дека ја поздравува дискусијата за давање нови овластувања на регулаторот, како што е можноста за казни на поединци или банки.

„Кога станува збор за одговорноста на поединечните носители на одлуки, сепак, очигледно е дека постојат празнини што треба да се затворат“, рече Амстад.

„Режим за главни менаџери“

Извршниот директор на „Финма“, Урбан Ангерн, даде посебно интервју за швајцарскиот неделник „ЗонтагсЦајтунг“, повторувајќи ги точките на Амстад и министерката за финансии Карин Келер-Сатер. Како и Амстад, тој истакна дека на „Финма“ и недостасува „режим за високи менаџери“ што ќе му овозможи на чуварот побрзо да ја идентификува одговорноста или да ја префрли вината, што значи дека „после нема повеќе изговори“.

Тој ја бранеше „Финма“ во начинот на кој се справи со „Кредит Суис“

„Имавме голем ефект во текот на годините. Ги поместивме границите на нашата мисија“, рече тој.

„Но, како што рече федералниот советник: Не можете да ја регулирате кризата на довербата“, додаде тој.

Во моментов нема коментари за веста. Биди прв да коментира...

Остави коментар