.webp){kind=icon}
„Тесла“ (Tesla Inc) ги намали цените на своите возила Модел С и Икс (Model S, Model X) во САД и тоа по трет пат оваа година во обид да поттикне зголемување на побарувачката за своите електрични автомобили.
Водечкиот Модел С седан сега се продава од 84.990 долари, што е намалување за 5.000 долари од цената од минатиот месец. Моделот Икс започнува од 94.990 долари, што е исто така пад од 5.000 долари.
Кратењата доаѓаат во време кога автомобилската индустрија се бори со зголемената инфлација и растот на каматните стапки кои ги прават купувањата на нови автомобили сè поскапи. Производителот „Тесла“, кој ги продава своите возила директно на потрошувачите, редовно ги менува своите цени. Компанијата со седиште во Остин, Тексас, моментално ги произведува возилата Модел С, Икс, 3 и Ипсилон.
„Цената навистина е важна. Мислам дека некако има огромен број луѓе кои сакаа да купат автомобил 'Тесла', но не можат да си го дозволат. И овие промени на цените навистина прават разлика за просечниот потрошувач“, рече претходно Илон Маск, главен извршен директор на компанијата.
„Тесла“ испорача 422.875 возила на глобално ниво во првиот квартал, но само 10.695 од нив беа Модел С и Икс.
Повеќе поевтинувања
„Тесла“ ја намали цената на седаните Модел 3 и на спортските возила Модел Испсилон за 1.000, односно 2.000 долари и ги намали почетните цени на двата модели на 41.990 и 49.900 долари, според информациите објавени на интернет страницата на компанијата. Производителот додаде и нова верзија на Моделот Ипсилон.
Американскиот производител на автомобили, кој претходно оваа година ги намали и цените во Кина, предизвика ценовна војна на најголемиот светски пазар на возила со нова енергија. „Тесла“ испорача вкупно 88.869 возила од фабриката во Шангај во март, според прелиминарните податоци објавени во вторникот од кинеската асоцијација за патнички автомобили. И натаму останува значителна разлика во цените за возилата произведени во Кина, каде основниот Модел 3 започнува од 229.900 јуани (33.400 долари), а Моделот Ипсилон чини 261.900 јуани (38.086 долари).
„Тесла“ ги намали цените на Модел С и Модел Икс по втор пат оваа година и ја зачувува лидерската позиција на глобалниот пазар на продажба на електрични возила, иако компанијата се соочува со посилна конкуренција од кога било досега.
Аналитичарите во „Блумберг НЕФ“ (BloombergNEF) очекуваат дека производителот поддржан од „Беркшир“ (Berkshire Hathaway Inc) ќе го предизвика првото место оваа година.
„Тесла“ ќе треба да го забрза темпото за да продолжи да расте со стапки на кои се навикнати инвеститорите. Минатата година компанијата не ја исполни целта за 50 проценти просечно годишно зголемување на испораките на возила. Наместо тоа, растот беше 40 отсто. Стапката на раст се лизна на 36 проценти во првиот квартал годинава. „Тесла“ ќе ги објави податоците за заработка на 19 април.
