„Мерцедес“ (Mercedes-Benz AG) соопшти дека неговите заостанати нарачки ќе ја поддржат продажбата во наредните месеци во потиснатата глобална економија каде што побарувачката во Европа заостанува зад силните американски и кинески пазари.
Производителот на луксузни автомобили, кој се фокусираше на продажба на повеќе од своите автомобили од повисока класа, очекува да оствари максимални маржи во производството на автомобили од прогнозираниот опсег, објави утрово компанијата. „Мерцедес“ предвиде поврат меѓу 12 и 14 проценти оваа година, што е намалување од 14,6 отсто, колку што изнесуваше во 2022 година.
„Нашиот фокус на врвните автомобили и премиум-комбиња го направи 'Мерцедес-Бенц' поотпорен на условите, овозможувајќи ни да ја забрзаме нашата дигитална и електрична трансформација дури и во период на економска несигурност“, рече главниот финансиски директор Харалд Вилхелм.
Производителите на автомобили добро се држат во забавеното опкружување досега, хранејќи се со полните книги за нарачки откако долготрајните проблеми со синџирот на снабдување го задушија производството.
„Мерцедес“ ја поместува својата понуда на модели подалеку од пазарот, за полесно да ги преброди падовите со потрошувачите од висока категорија, кои помалку се погодени од фактори како високи каматни стапки и рекордна инфлација.
„Побарувачката во Европа остана слаба во текот на првиот квартал, а нарачките во Кина и САД се силни и на добро ниво“, објави денеска „Мерцедес“.
Дополнително на оваа мешавина од проблеми се приклучува и „Тесла“, компанијата што оваа година го интензивира намалувањето на цените на возилата од целиот асортиман, што ја поттикнува загриженоста за помал поврат, особено на пазарот на електрични возила од средна класа.
„Мерцедес“ минатата недела ја објави прелиминарната заработка од продажбата на автомобили во првиот квартал, која покажува поврат од 14,8 проценти, што ги надминува процените на аналитичарите.
.webp){kind=icon}
