Благодарение на многу силните нето-приходи од камати и натамошното намалување на трошоците, италијанската банка „Уни кредит“ (UniCredit) во првиот квартал оствари нето-добивка од повеќе од две милијарди евра и двоцифрен раст на нето-приходот, објави заемодавецот.
Нето-добивката на банката во првиот квартал изнесува 2,06 милијарди евра, наспроти 274 милиони евра во истиот период лани, се вели во финансискиот извештај. Нето-приходите изнесуваат 5,8 милијарди евра и се за 56,5 отсто повисоки во однос на истиот период лани.
Истовремено, нето-приходите од камати скокнале за 43,6 отсто, на 3,3 милијарди евра, додека приходите од провизии се намалени за два отсто, на две милијарди евра, покажува деловниот извештај.
„Уни кредит“ најави и подобрени финансиски насоки за 2023 година, според кои сега очекува нето-приходи од камати од над 12,6 милијарди евра, нето-приход од над 20,3 милијарди евра и нето-добивка над 6,5 милијарди евра. Од банката наведуваат дека во рамките на насоките малку ја промениле својата дефиниција за добивка, но дека бројките остануваат во голема мера споредливи.
На чело со извршниот директор Андре Орсел, „Уни кредит“ започна еден од најамбициозните европски планови за дистрибуција на капитал и најави дека на акционерите ќе им плати најмалку 5,75 милијарди евра преку дивиденди и откуп врз основа на оперативните резултати во 2023 година.
.webp){kind=icon}
Во моментов нема коментари за веста. Биди прв да коментира...