.webp){kind=icon}
УБС (UBS Group AG) ќе го смени својот главен финансиски директор како дел од пошироката реорганизација на својот менаџерски тим по преземањето на „Кредит Суис“ (Credit Suisse Group AG).
Банката го избра Тод Такнер за нов главен финансиски директор, на местото на Сара Јангвуд, се наведува во соопштението објавено во вторникот. УБС исто така најави дека извршниот директор на „Кредит Суис“, Улрих Кернер, ќе стане член на Извршниот одбор на УБС по затворањето на трансакцијата.
„УБС е убеден дека го има вистинскиот оперативен модел и лидери за успешна интеграција“, се наведува во соопштението на банката со седиште во Цирих. „Подготвени сме редовно да ги ажурираме информациите за процесот на интеграција“.
Прочитај повеќе
Фрчат тужби од сопствениците на обврзници AT1 на „Кредит Суис“
Уште стотици сопственици на обврзници на „Кредит Суис“ го тужат швајцарското банкарско регулаторно тело.
03.05.2023
„Кредит Суис“ обвинета за попречување на истрага за сметки на нацистите
Американски сенатори ја обвинија банката за попречување на истрага во однос на сервисирање на нацистички клиенти.
19.04.2023
„Кредит Суис“ во вртоглав квартал забележа одлив на 69 милијарди долари
„Кредит Суис“ соопшти дека во првиот квартал претрпела загуби од 69 милијарди долари поради одлив на капитал.
24.04.2023
За првпат УБС ќе раководи со две одделни компании, УБС АГ (UBS AG) и „Кредит Суис АГ“ (Credit Suisse AG). И двете ќе имаат свои подружници, ќе им служат на клиентите и ќе ги решаваат сопствените спорови. УБС соопшти дека ќе ги разгледа „сите опции“ за операциите на „Кредит Суис“, а повеќе информации ќе бидат достапни во наредните месеци.
Такнер отиде во УБС во 2004 година и моментално е финансиски директор и раководител на секторот за управување со средства и ризик.
