.webp){kind=icon}
Швајцарската банкарска групација УБС (UBS) најверојатно ќе ги задржи домашните операции на „Кредит суис“ (Credit Suisse), но не и брендот, изјавија во средата извори запознаени со процесот на реструктурирање, откако пред пет месеци УБС со посредство на швајцарската влада го презеде својот неуспешен главен конкурент.
Соопштение за иднината на работењето на „Кредит суис“ во Швајцарија се очекува до крајот на месецов.
УБС долго време размислува дека повеќе би сакала да го интегрира бизнисот на својот поранешен ривал во Швајцарија наместо да го раздвои или продаде.
Прочитај повеќе
УБС ја прекина државната поддршка од 10 милијарди долари за преземање на „Кредит суис“
УБС одлучи да го прекине договорот со швајцарската влада за покривање на загубите што можеше да настанат од спасувачката програма за „Кредит суис“.
11.08.2023
УБС се подготвува да отпушти половина од луѓето во „Кредит Суис“
По преземањето, УБС планира да отпушти повеќе од половина од 45.000 вработени во „Кредит Суис“.
28.06.2023
УБС го заврши преземањето на „Кредит Суис“ и создаде банкарски титан
Со преземањето на „Кредит Суис“ завршува 167-годишното независно постоење на овој заемодавец.
12.06.2023
УБС и Швајцарија се договорија за гаранција од 10 милијарди долари
УБС постигна договор со швајцарската влада за покривање на загуби од девет милијарди швајцарски франци (9,9 милијарди долари).
09.06.2023
УБС комплетно ќе ја преземе „Кредит Суис“ до 12 јуни
По завршувањето, акциите на „Кредит Суис“ ќе бидат отстранети од швајцарската берза SIX на 13 јуни и од Њујоршката берза на 12 јуни.
05.06.2023
УБС ја купува Кредит Суис со историски договор за крај на кризата
Најголемата швајцарска банка УБС во историски договор со посредство на Владата се согласи да го купи помалиот ривал „Кредит Суис“.
19.03.2023
Според неименувани извори, плановите сепак може да се променат, а портпаролот на УБС не сакаше да ги коментира информациите.
УБС месецов го раскина договорот што го имаше со швајцарската влада, според кој државата гарантираше загуби до 10 милијарди долари при преземањето на имотот на „Кредит суис“. Овој потег, според изворите, сега му дава на УБС повеќе простор да одлучи што да прави со поранешните домашни операции на „Кредит суис“.
„УБС е слободен да избере деловен модел во рамките на постојната регулаторна рамка“, изјави портпаролот на швајцарската влада.
Bloomberg Mercury
Планот за интеграција сега отвора простор за можно укинување на илјадници работни места во Швајцарија, главно во работата со граѓаните.
УБС ќе ги објави резултатите од вториот квартал и деталите за својата стратегија на 31 август.
Продажбата или иницијалната јавна понуда на поранешниот домашен бизнис на „Кредит суис“, на пример, може да произведе непосреден паричен принос што може да се пренесе на акционерите. Според годишниот извештај на „Кредит суис“ за минатата година, сметководствената вредност на швајцарскиот бизнис е 13 милијарди франци.
Работењето на „Кредит суис“ во Швајцарија веќе долго е профитабилно, за разлика од другите четири главни деловни сегменти на банката. Минатата година беше единственото што оствари профит.
Заедно, „Кредит суис“ и УБС сочинуваат 35 отсто од домашните депозити, 31 отсто од корпоративните заеми и 26 отсто од хипотекарните заеми, според аналитичарите на „Ситигруп“.
Во Швајцарија главни конкуренти се „Рајфајзен“ и кантоналната банка ЗКБ, но и повеќе од 200 други помали банки.
