„Амазон“ (Amazon.com Inc) ја претстави својата онлајн продавница за видеоигри и мобилни апликации направени од други компании, што е најнов обид да го прошири досегот на гигантот за е-трговија надвор од својот распространет онлајн пазар.
Со „Амазон енивеар“ (Amazon Anywhere), што беше претставен денеска, компанијата ќе им дозволи на луѓето што користат игри, мобилни, веб-апликации и апликации со зголемена реалност да купуваат поврзани предмети од реалниот свет без да го напуштат актуелното искуство. Услугата ќе дебитира со „Перидот“ (Peridot), игра со виртуелни миленичиња од „Ниантик“ (Niantic), развивачот на „Покемон гоу“ (Pokemon Go), објави компанијата во свој блог.
На видеото е прикажано како купувач ја поврзува својата сметка на „Амазон“ со играта и купува маица, која е испорачана од складиште на „Амазон“.
Компанијата со седиште во Сиетл долго време се обидува да ги насочи корисниците во својата продавница, вклучувајќи и преку долгогодишна програма што им нуди дел од секоја продажба на партнерите што објавуваат линкови до огласите на „Амазон“. Сега, соочени со зголемена конкуренција од „Шопифај“ (Shopify Inc) и други продавачи на софистициран софтвер за е-трговија, „Амазон“ се обиде да го прошири својот дофат на другите делови на интернетот.
Програмата именувана „Купувај со Прајм“ (Buy With Prime), која започна во јануари, им овозможува на претплатниците на „Прајм“ (Prime) да ја користат услугата за брза испорака при купување на други интернет страници.
.webp){kind=icon}
