.webp){kind=icon}
„Атом стил“ (Atom Steel) од Кочани објави дека почнува соработка со голема европска компанија, поради што во следните три-четири години ќе се отворат над 300 вработувања.
„Веќе сме во финална фаза на склучување договор со партнерски инвеститори од една европска земја, кои заедно со ’Атом стил ЛТД’ треба да инвестираат во постојните погони, како и да градат нови погони“, соопштија од компанијата, а пренесе и Мишел Ѓорѓиев, директор. „Наедно, ќе се инвестира во нови машини за подобрување на капацитетот и квалитетот на производството на челичните структури што треба да се извезуваат во повеќе европски земји“, се наведува во соопштението.
Оваа кочанска компанија е специјализирана за производство на различни напредни индустриски челични производи на основа на посебно развиена технологија.
Минатата година соопштија дека потпишале договор со кинеска компанија што годинава треба да достави нова производствена линија за кружни цевки и кружни бандери за осветлување.
Со ова кочанската фирма треба да стане прва во Европа што е комплетна во производството на октагонални и кружни бандери.
