text size
Богатството на Илон Маск падна за 20,3 милијарди долари во четвртокот, откако „Тесла“ (Tesla Inc.) предупреди дека можеби ќе мора да продолжи да ги намалува цените на своите електрични возила, предизвикувајќи пад на акциите.
Падот на нето-вредноста на 234,4 милијарди долари е седми најголем пад досега меѓу оние од индексот на милијардери на „Блумберг“ и дополнително ја намалува разликата во богатството меѓу Маск и Бернард Арно, двајцата најбогати луѓе во светот. Богатството на Маск сè уште го надминува она на Арно, претседател на производителот на луксузни стоки ЛВМХ (LVMH - Moët Hennessy Louis Vuitton), за околу 33 милијарди долари.
Маск не беше единствениот американски технолошки милијардер што имаше тежок ден. Џеф Безос од „Амазон“ (Amazon.com Inc.), Лари Елисон од „Оракл“ (Oracle Corp.), Стив Балмер, поранешниот извршен директор на „Мајкрософт“ (Microsoft Corp.), Марк Закерберг од „Мета“ (Meta Platforms Inc.) и коосновачите на „Алфабет“ (Alphabet Inc.), Лери Пејџ и Сергеј Брин, загубија колективна нето-вредност од 20,8 милијарди долари откако технолошкиот индекс Nasdaq 100 падна за 2,3 отсто.
Прочитај повеќе
„Тесла“ ќе вложи милијарда долари за создавање суперкомпјутер
Суперкомпјутерот е дизајниран да обработува голем број податоци и видеа од автомобилите на „Тесла“ што се потребни за создавање софтвер за автономно возење.
20.07.2023
Може ли Твитер да го преживее доаѓањето на Тредс?
Доаѓањето на нов конкурент сериозно ја загрози позицијата на Твитер, кој во последно време минува низ разни турбуленции, а неговите акции губат вредност.
19.07.2023
Маск го претстави својот адут во сферата на вештачката интелигенција
Маск со месеци навестуваше дека сака да создаде алтернатива на популарниот четбот за вештачка интелигенција, ЧетГПТ.
13.07.2023
Акциите на „Тесла“ со седиште во Остин, Тексас, се слизнаа за 9,7 отсто, до 262,90 долари, во Њујорк, најмногу од 20 април, откако компанијата предупреди на повеќе удари по нејзината веќе намалена профитабилност. Месечните намалувања ја нарушија автомобилската бруто-маржа, која падна на најниско ниво во последните четири години во вториот квартал. Маск, извршниот директор на компанијата, во средата рече дека „Тесла“ ќе мора да продолжи да ги намалува цените доколку каматните стапки продолжат да растат.
Маск (52) го црпи своето богатство првенствено од својот удел во производителот на електрични возила, како и од своите акции во „Спејс екс“ (Space Exploration Technologies) и „Твитер“ (Twitter). Неговото богатство годинава, до средата, се зголеми за околу 118 милијарди долари, бидејќи акциите на „Тесла“ се искачија за 136 отсто.
Арно (74) годинава забележа раст на својата нето-вредност за 39 милијарди долари, на 201,2 милијарди долари. Акциите на ЛВМХ со седиште во Париз се зголемија за 26 отсто во 2023 година.
.webp){kind=icon}
