БМВ ги зголеми прогнозите за испорака на возила за годинава

БМВ ја зголеми прогнозата за испорака на возила за оваа година врз основа на силните нарачки и зголемената побарувачка за целосно електрични автомобили.

Производителот на луксузни автомобили сега очекува „солидна“ продажба оваа година, во однос на „малото“ зголемување од претходно, се наведува во денешната објава. Новиот „седан“ од серијата 5 и неговиот електричен пандан ќе помогнат да се зголеми обемот во втората половина од годината.

Нивото на интерес на клиентите за електрични возила значи дека БМВ „вложува повеќе од првично планираното во глобалното зголемување на е-мобилноста“, рече главниот финансиски директор Валтер Мертл. Во последниот квартал, трошоците за развој скокнаа за 19 отсто, на 1,84 милијарда евра (2 милијарди долари) бидејќи компанијата се фокусираше на електрифицирање.

Продажбата на автомобили на батерии се удвои во текот на првата половина, на речиси 153.000, што претставува 13 отсто од испораките.

И покрај тоа што побарувачката за неговите луксузни автомобили останува силна, „БМВ“ во вторникот предупреди дека зголемените трошоци за делови го намалуваат неговиот готовински тек, наведувајќи ги логистичките проблеми како ограничување. Во исто време, компанијата исто така малку ја зголеми прогнозата за заработката за целата година, бидејќи очекува достапноста на нејзините луксузни возила да се подобри во втората половина од годинава.

Неколку производители на автомобили сега се соочуваат со нови логистички ограничувања откако се намали недостигот од полупроводници, овозможувајќи им да произведуваат повеќе возила. „Фолксваген“ја намали својата перспектива за испорака минатата недела бидејќи недостигот од возови и возачи на камиони ги држат готовите возила заглавени во фабриките. „Порше“ мораше да ја ограничи продажбата на својот електричен „тајкан“ (Taycan) откако се бореше да набави одредени компоненти.

Заработката пред оданочување на БМВ се зголеми за 28 отсто, на 4,38 милијарди евра, во споредба со вториот квартал од минатата година, надминувајќи ја просечната процена на аналитичарите, која изнесуваше 4,23 милијарди евра. Автомобилската индустрија порасна на 9,2 отсто.