.webp){kind=icon}
„Тојота“ (Toyota Motor Corp) во вторник ќе го прекине производството во текот на ноќта во сите 14 домашни фабрики поради проблеми со производствениот систем. Најголемиот светски производител на автомобили се соочува со редок проблем и брза да го рестартира својот познат систем.
„Проблемите со системот спречија да се нарачаат делови“, изјави портпаролот на „Тојота“, што влијаеше на околу 28 производствени линии што се дел од целото производство, од најпродаваните „корола“ (Corolla) и „камри“ (Camry) до хибридот „приус“ (Prius). „Иако сè уште не е јасно кога ќе бидат рестартирани операциите, компанијата не се сомнева дека е жртва на сајбер-напад“, рече портпаролот.
Bloomberg
Дванаесет од 14-те фабрики беа суспендирани во текот на дневната смена, при што не се засегнати само фабриката на „Тојота“ во Мијата, во областа Фукуока, туку и работењето во подружницата во Кјото. Од „Хино моторс“, подружница на „Тојота“, соопштија дека исто така имаат проблем со системот, поради што ќе ја прекинат работата на четири фабрички линии во две јапонски фабрики.
Акциите на „Тојота“ паднаа дури за 0,8 отсто на почетокот на тргувањето во Токио по објавувањето на прекинот на производството, а потоа беше избришан поголемиот дел од загубите и акциите, кои завршија со тргување со пад од 0,2 отсто. Во февруари 2022 година „Тојота“ мораше да ги затвори сите 14 домашни фабрики откако еден од нејзините доставувачи беше изложен на сајбер-напад со уцени за откуп.
За да се врати во целосна функција системот беа потребни неколку дена, а инцидентот влијаеше на околу пет проценти од производството на „Тојота“ за тој месец. Постојат сомневања дека во јули руски напад со откупен софтвер го оневозможил најголемото пристаниште во Јапонија, Нагоја. „Тојота“, која се потпира на пристаништето, рече дека испораките се привремено запрени, но дека нема влијание врз производството. „Тојота“ произведе и продаде рекорден број возила во јуни, бидејќи производството продолжи да закрепнува по недостигот од полупроводници и други делови.
