Пазарот на автомобили во Германија од почетокот на оваа година падна за 11 отсто. Продадени се 1.237.975 автомобили. Лани во истиот период биле продадени 1.390.889. За споредба, во 2019 година, односно пред корона кризата, за шест месеци во Германија се продале 1.849.000 нови автомобили.
Европскиот пазар се соочува со кусок на нови возила. Кризата во секторот се пролонигараше од 2020, па досега. Ланецот на снабдување е прекинат, добавувачите не можат навреме да ги испорачаат деловите потребни за склопување на возилата заради војната во Украина. И натаму трае проблемот со недостигот на чипови за новите возила и недостигот на работници. Сето ова придонесе за значителен раст на цените.
Во вакви услови, бројките покажуваат дека на германскиот пазар всушност, раст бележат само јапонските производители на автомобили, како и Dacia. Останатите, меѓу нив и традиоционалните германски гиганти, се во минус.
.webp){kind=icon}
Во моментов нема коментари за веста. Биди прв да коментира...