Во „БМВ“ очекуваат бум во профитот од електрични возила

Директорите во автомобилската индустрија долго се жалеа дека електричните автомобили не се толку профитабилни како оние со мотори на согорување. Меѓутоа, главниот извршен директор на „БМВ“ (BMW AG), Оливер Зипсе вели дека тие денови се минато.

Сите електрични модели на „БМВ“ заработуваат пари, а возилата „Нова класа“ (Neue Klasse) на батерии кои треба да се појават од 2025 година ќе бидат уште попрофитабилни, вели Зипсе.

„Претпоставката дека маргините на автомобилите со мотори на согорување се секогаш повисоки е едноставно погрешна“, рече тој на настанот пред саемот за автомобили „ИАА“ во Минхен.

„БМВ“ претходно го претстави првиот прототип на својата идна линија „Нова класа“ , која треба да му помогне на германскиот производител на автомобили да ја предизвика „Тесла“ (Tesla Inc.) и да ја одбрани продажбата на нејзиниот најважен пазар во Кина.

Производителот на луксузни автомобили расте во Кина и таму продава двојно повеќе целосно електрични автомобили од ривалските брендови „Мерцедес-Бенц“ и „Ауди“ заедно, рече Зипс. Тој додаде дека „БМВ“ не е засегната од ценовната војна поради нејзиното позиционирање во премиум сегментот.

„Имаме цврста основа на кинескиот пазар“, рече извршниот директор во посебно интервју за телевизијата „Блумберг“.

Во моментов нема коментари за веста. Биди прв да коментира...

Остави коментар