.webp){kind=icon}
Администрацијата на американскиот претседател Џо Бајден се подготвува да објави сеопфатна одлука за царини против Кина веќе следната недела. Се очекува дека планот ќе се фокусира на клучните стратегиски сектори, но ги отфрла директните зголемувања што ги бара Доналд Трамп, велат изворите.
Одлуката е кулминација на преиспитувањето на таканаречените тарифи од Дел 301, кои првпат беа воведени за време на мандатот на Трамп, почнувајќи од 2018 година. Новите тарифи ќе бидат насочени кон индустриите како што се електрични возила, батерии и соларни ќелии, притоа наметнувајќи ги постојните тарифи.
Иако одлуката може да биде одложена, таа сепак претставува еден од најголемите потези на Бајден во економската трка со Кина. Тоа следува по неговиот повик минатиот месец за зголемување на царините за кинескиот челик и алуминиум, како и официјалното започнување нова истрага за кинеската бродоградба.
Јуанот реагираше на веста со пад, а кинескиот берзански индекс CSI 300 падна дури за 0,6 отсто во почетокот на трговијата, пред да ги намали загубите за половина. Кинеското Министерство за надворешни работи и Министерството за трговија не одговорија веднаш на барањата за коментар во петокот наутро по локално време.
Bloomberg
„Тоа дефинитивно ќе ги натера инвеститорите да ги преиспитаат акциите што се потенцијално изложени (на тарифи)“, рече Ксин-Јао Нг, главен инвестициски директор во „Абрдн“.
Тој додава дека многу брендови од доменот на зелената технологија, како што е гигантот „Контермпорари Ампетекс“ (батерии), веќе го ограничија своето присуство во САД. „Сите знаат дека е ризично“, забележува Јао Нг.
Имено, стратегијата на кинескиот претседател Шји Џјинпинг за зголемување на производството за да се запре забавувањето на домашната економија - ги вознемири странските влади. Лидерите на САД и на Европската Унија го критикуваа Пекинг за државните субвенции, кои, според нив, поттикнаа „поплава“ од евтин извоз, што ги загрозува работните места на нивните пазари.
САД се противат на кинеските „нефер економски практики и прекумерен индустриски капацитет“, рече Бајден минатиот месец, додавајќи: „Јас не барам борба со Кина. Барам конкуренција, фер конкуренција“.
Во спротивно, тарифите воведени од САД веројатно ќе имаат мало непосредно влијание врз кинеските компании, бидејќи нивните светски гиганти во областа на електричните возила се претежно на „црната листа“. Кинеските соларни компании главно извезуваат во САД од трети земји за да избегнат ограничувања, а американските фирми исто така бараат повисоки царини за таа трговија.
За оваа тема прочитајте повеќе на линкот.
