.webp){kind=icon}
Петте компании за осигурување живот само за јули годинава им исплатиле 62,4 милиони денари (1 милион евра) на свои осигуреници или на носители на правото за обесштетување, соопштија од Агенцијата за супервизија на осигурувањето. Износот на исплатените средства за штети покриени со осигурување живот во јули е за 19 отсто повисок од истиот месец минатата година.
Регулаторот соопштува дека првичните податоци што до Агенцијата ги доставиле осигурителните компании покажуваат оти средствата се исплатени по неколку основи - смрт на осигуреник, доживување или за прекин на договор за осигурување со штедна или со инвестициска компонента.
Најголемо учество во исплатените средства во јули имаат договорите за осигурување живот со штедна компонента. Во јули осигуреници наплатиле 50,3 милиони денари (818.000 евра) од овој тип осигурување. „Овој осигурителен производ, покрај осигурување живот, нуди можност по истекот на рокот на договорот осигуреникот да ги добие вложените средства зголемени за камата, образложуваат оттаму.
Прочитај повеќе
Осигуреници за еден месец наплатија милион евра од приватно здравствено осигурување
Вкупно во јули сите компании на неживотно осигурување исплатиле 409 милиони денари (6,65 милиони евра) за штети покриени со договори за осигурување
21.08.2023
Како им оди на осигурителните компании во Македонија?
Вкупната добивка по оданочување, на ниво на сектор, во 2022 година изнесуваше 531,1 милион денари (8,6 милиони евра).
15.08.2023
Осигурувањето имот во стагнација, природните катастрофи во пораст
Од вкупно склучени 12.286 договори за осигурување имот во првата половина од оваа година, дури 9.881 покриваат само пожар.
15.08.2023
Паѓаат акциите на „Триглав“ и „Сава“ по поплавите во Словенија
Акционерите на двете словенечки осигурителни компании се загрижени
06.08.2023
Во првиот квартал неживотното осигурување има реален раст од 4,3 отсто
„Во зависност од типот на осигурувањето, постојат позитивни и негативни тенденции во првиот квартал од годинава“, вели професорот Бојан Србиноски.
29.06.2023
Осигурителните компании во јули им исплатиле 6,3 милиони денари (102.000 евра) на семејства или носители на правото за исплата на штета во смртни случаи на лица што го осигуриле својот живот. Овој тип осигурување не вклучува учество во добивка, што значи дека е осигурен само ризикот смрт и доколку не се случи во договорениот временски период за кој важи осигурувањето, вложените средства ги задржува осигурителната компанија со која е склучен договорот.
Кај најновиот тип на осигурување живот на нашиот пазар, популарно познат под називот јунит-линкд осигурување, компаниите во јули исплатиле 5,56 милиони денари (90.000 евра). Овој производ, покрај осигурување живот, нуди и вложување дел од парите во хартии од вредност со кои се тргува на светските берзи. Токму поради тоа што осигуреникот избира во какви хартии од вредност ќе се вложат неговите средства кај овој тип осигурување, ризикот од вложувањето е на товар на осигуреникот.
Во сите типови осигурување живот во јули граѓаните вложиле вкупно 64,5 милиони денари (1,05 милион евра). Повеќе од половина од вкупниот износ на вложени средства се однесува на полиси со кои е осигурен само ризикот смрт и кои не носат право на учество во добивката. Во првите седум месеци годинава граѓаните во осигурување живот вложиле 1,21 милијарда денари (20 милиони евра).
