Граѓани, компании и институции осигуриле повеќе од 697.700 возила (патнички и товарни возила, автобуси, мотоцикли, трактори, приколки и специјални возила) во 2023 година. Вкупниот број на возила за кои сопствениците купиле полиси за задолжително осигурување од автомобилска одговорност во 2023 година е зголемен за пет отсто во споредба со 2022 година, покажуваат прелиминарните податоци што до Агенцијата за супервизија на осигурување (АСО) ги достави Националното биро за осигурување (НБО).
Секое трето осигурено возило имало и зелен картон за патување во странство, покажуваат податоците. Во текот на 2023 година сите 11 осигурителни компании издале 260.815 зелени карти – осигурување неопходно за возење во странство. Бројот на издадени зелени карти лани е зголемен за речиси 20.000, односно осум отсто повеќе од 2022 година. Осигурениците во зелени карти во 2023 година вложиле 1,3 милијарда денари (21,16 мил. евра).
Зелената карта е осигурување што служи за обесштетување трети лица доколку се случи сообраќајна незгода или несреќа во странство. Специфика на зелената карта е тоа што во некои земји нема утврдена максимална сума за човечки жртви во сообраќајна несреќа. Во таков случај осигурителната компанија што ја издала зелената карта ќе исплати износ без ограничување.
Прочитај повеќе
Каков автомобил можете да купите за 20.000 евра?
Изборот на автомобили до 20.000 евра е ограничен.
23.11.2023
За луксузните и за многу старите возила ќе се плаќа поголем данок
Новата методологија претставува глобално усогласена постапка за испитување на нивото на емисија на јаглерод диоксид
17.10.2023
Германија го губи статусот на автомобилска велесила
Клучните предизвици се прекумерна регулација и недостиг од правна рамка за прашања како што е вештачката интелигенција.
04.09.2023
Ќе возиме ли на масло од пржени компирчиња?
Германците наскоро ќе возат на дизел гориво што во целост е направено од искористено масло за јадење.
05.12.2023
Податоците добиени од НБО покажуваат дека граѓаните, компаниите и институциите лани купиле вкупно 958.528 полиси за осигурување возила во земјава и во странство. Во осигурување од автомобилска одговорност (за возење во земјава и во странство) во 2023 година се вложени 5,33 милијарди денари (86,75 мил. евра).
Бројот на издадени полиси за автомобилско осигурување за во земјава и во странство лани во однос на 2022 година е зголемен за шест отсто, а нивната вкупна вредност е поголема за 6,5 отсто, покажуваат податоците на НБО.
НБО има законски овластувања да ги врши работите предвидени со меѓународните спогодби за осигурување на сопствениците и корисниците на моторни возила од одговорност во сообраќајот. НБО ги претставува сите македонски компании за неживотно осигурување во меѓународните организации и институции за осигурување.
Во Македонија законски задолжителното осигурување од автомобилска одговорност и зелената карта имаат регулирани цени, кои ги утврдува и контролира Владата преку надлежна стручна меѓуресорска комисија.
Во 2023 година во продажбата на задолжително автомобилско осигурување и зелена карта „Македонија осигурување“ учествувала со 4,8 отсто, „Кроација осигурување – неживот“ со 9,9 отсто, „Уника“ со 14,6 отсто, „Триглав осигурување“ со 8,8 отсто, а „Сава осигурување“ со 9 отсто. Од вкупната продажба на ова задолжително осигурување на „Винер ВИГ“ отпаѓа 13,4 отсто, на „Еуролинк“ 8,4 отсто, на „Граве“ 8,8 отсто, а „Халк осигурување“ учествува со 6,4 отсто и „Осигурителна полиса“ со 9,5 отсто.
.webp){kind=icon}
Во моментов нема коментари за веста. Биди прв да коментира...