Цената на осигурувањето од автоодговорност да се врати на ниво од пред 25 април 2024 година, одлучи Владата на вчерашната седница.
„Усвоените измени и дополнувања од страна на Владата, се по предлог на Комисијата за осигурување од автомобилска одговорност при Министерството за финансии и со нив се утврдува опсег од 15 до 30 отсто, во којшто друштвата за осигурување можат да го определат делот на премијата за вршење дејност на осигурување од автомобилска одговорност. За износ на трошоците над 30 отсто, предвидено е, друштвата за осигурување, да побараат претходна согласност од Агенцијата за супервизија на осигурување“, информираат од Владата и нагласуваат дека одлуката значи враќање на цената на осигурувањето од автоодговорност на ниво од пред 25 април 2024 година.
Дополнително е утврдено дека Комисијата за осигурување од автомобилска одговорност, најдоцна до 30 септември, секоја година, до Владата доставува предлог за минимална и максимална стапка на техничка премија за осигурување за следната година.
Прочитај повеќе
Надлежните бараат да се врати старата тарифа за осигурување од автомобилска одговорност
Друштвата за осигурување до крајот на денешниот ден треба да ги стават во мирување одлуките за зголемување на трошоците.
29.04.2024
Поскапува задолжителната осигурителна полиса за регистрација на возилата
Осигурувањето од автомобилска одговорност е задолжително.
26.04.2024
На 25 април, цената на полисата за задолжителното авто осигурување поскапе за 15,44 отсто за возила со моќност од над 44 киловати. Поскапувањето беше од 840 до 1.600 денари, во зависност од моќноста на возилото.
На одлуката да се врати старата цена реагираа осигурителните компании кои велат дека Комисијата за автомобилска одговорност донела одлука без да ги земе во предвид анализите на осигурителната индустрија.
„Осигурителните компании се разочарани од пристрасните тврдења и непрофесионални квалификации кои им ги упати регулаторот АСО (Агенцијата за супервизија на осигурување), а врз основа на кои Комисијата ја намали цената на авто одговорноста“, се наведува во реакцијата.
„Регулаторот треба да работи во насока на зацврстување на осигурителната индустрија преку поддршка на напорите да се заштитат осигурениците, преку креирање на солидно ниво на солвентност и ликвидност кое секако доаѓа само преку профитабилно работење. Во спротивност, се создаваат услови за нестабилност во финансискиот сектор – нешто што никој не го посакува“, посочуваат осигурителните компании.
Тие исто така наведуваат дека Македонија е една од ретките држави каде државата сè уште има функција во утврдување на цената за задолжителната АО и покрај фактот што се работи за пазарна економија. Додаваат и дека ЕУ секоја година во Извештајот за прогресот на земјата, споменува дека оваа државна интервенција е неконзистентна со Европската регулатива и дека цената мора да ја утврдува слободниот пазар, односно да се случи либерализација на пазарот.
.webp){kind=icon}
