Марија Каранфиловиќ, неизвршна членка и претседателка на Одбор на директори на скопската фабрика „Европа“, поднела оставка од функцијата. Од компанијата за чоколади и вафли соопштија дека за претседател на Одборот на директори е назначена Наташа Милева.
Каранфиловиќ пред три дена даде оставка и од функцијата во компанијата „Макошпед“, трговско друштво за меѓународна шпедиција, складишта, надворешнотрговско работење, производство и промет, каде беше извршна членка на Одборот на директори - генерална директорка.
„Макошпед“ всушност е еден од поголемите акционери во „Европа“, каде што заклучно со денеска поседува 19,9 отсто од обичните акции на друштвото. Свои акции во фабриката за чоколади има и „Фершпед“, односно поседува 21,77 отсто од капиталот.
Во периодот од почетокот на годината до крајот на јуни односно во првото полугодие „Европа“ АД има вкупни приходи од 427.059.045 денари, кои се зголемени за 5,6 отсто во однос на бруто-приходите од 2022 година за истиот период.
Македонска берза
Во тој период компанијата оствари добивка во износ од 22.765.633 денари, која е помала во однос на претходната година за 38,1 отсто.
.webp){kind=icon}
