„Стопанска банка АД Скопје“ со профит од 40,3 милиони евра за девет месеци

„Стопанска банка АД Скопје“ во периодот јануари-септември годинава оствари добивка од 2,4 милијарди денари (40,3 милиони евра), што е зголемување во однос на истиот период минатата година кога банката имала добивка од околу две милијарди денари(33,5 милиони евра), покажува неконсолидираниот биланс на успех на банката објавен преку Македонската берза.

Од банката информираа дека бележат раст на приходите од камати поради зголемените кредитни активности и зголеменото кредитно портфолио, порастот на ликвидносната позиција и трендот на раст на каматните стапки.

Нето-приходите од провизии и надоместоци на банката се намалени за пет проценти во однос на анализираниот период во 2022 година, што се должи на зголемени расходи од провизии поради пови соките трошоци на банката за обезбедување на овие услуги, пред сè во делот на платните и картичните трансакции. Нето-приходите од курсни разлики бележат намалување од осум проценти.

„И покрај изразените предизвици и неизвесности, во трите квартали од 2023 година „Стопанска банка АД Скопје“ продолжи со остварување на солидни резултати и висока профитабилност. Стабилната ликвидносна и профитабилна позиција на банката, заедно со силната капитална основа и воспоставениот успешен деловен модел, овозможуваат отпорност кон предизвиците на околината и обезбедуваат стабилно и успешно работење на задоволство на сите заинтересирани страни“, велат од банката. 

Во моментов нема коментари за веста. Биди прв да коментира...

Остави коментар