Словенечки Биг Бенг потпиша договор за преземање на 100 отсто од сопственоста на Санта Доменика, еден од најголемите и најуспешните хрватски трговци на електроника, објави инвестициската група Адвентура.
Бег Бенг веќе неколку години ги проучува можностите за ширење во регионот. Со стратешкото партнерство на двете компании се создава силен регионален играч со 30 продажни објекти низ две држави, две модерни онлајн продавници, водечка позиција на пазарот со шест милиони купувачи и повеќе од 550 вработени, велат од инвестициската група.
Зделката мора да ја одобрат надлежните агенции за заштита на конкуренцијата на пазарот. Биг Бенг, Биг партнер и Санта Доменика остварија вкупно 255 милиони евра приходи во 2021 година, а до 2025 планираат вкупни проходи од повеќе од 300 милиони евра.
„Верувам дека со заедничка, поголема приказна, ќе успееме на купувачите на двата пазари да им овозможиме уште поголема понуда на производи и најдобро корисничко искуство. Уверен сум дека ова е вистинската насока за понатамошен развој за претстојниот 30 годишен јубилеј на нашиот бренд“, вели Урош Месоједец, главен извршен директор на Биг Бенг.
Санта Доменица ќе го задржи својот бренд во рамките на партнерството со Биг Бенг, a комапнијата ги задржува и кадрите кои во изминатите години се докажаа во работењето, вели Весна Рамљак, сопственичка и директорка на Санта Доменика, која во иднина ќе има стратешка улога во компанијата.
Над две децении, компанијата Санта Доменика е еден од најпрепознатливите трговци со технологија во регионот и зазема водечка позиција на пазарот по продажба на преносни компјутери, гејминг опрема, паметни телефони, телевизори, адуио и видео опрема. Компанијата има силна онлајн трговија и 13 продавници во Загреб, Сплит, Риека, Задар и Сараево. Во 2021 година оствари над 121 милион евра приходи. Компанијата исто така планира да отвори и нови продажни објекти во Задар и Осиек, а бројот на вработени веќе надмина 160.
.webp){kind=icon}
Во моментов нема коментари за веста. Биди прв да коментира...