.webp){kind=icon}
„ОКТА“ АД Скопје во периодот јануари септември 2023 година оствари добивка од 311 милиони денари (околу пет милиони евра), што е намалување за 59 проценти во однос на истиот период минатата година кога добивката на компанијата изнесувала 759,9 милиони денари (12,3 милиони евра), покажува неконсолидираниот биланс на успех на компанијата објавен преку Македонската берза.
Од компанијата информираа дека приходите од продажба се намалени за 22 проценти споредено со истиот период минатата година, како последица на падот на меѓународните цени на горивата.
„Постојаните инфлациски притисоци доведоа до зголемување на оперативните трошоци за девет проценти, споредено во однос на истиот период од претходната година. Прилагодената ЕБИТДА во третиот квартал од 2023 година, се намали за 26 проценти споредено со истиот период лани, и изнесува 172 милиони денари (2,7 милиони евра)“, информираат од компанијата.
Прочитај повеќе
„Oкта“: Пад на приходите, раст на приспособената ЕБИТДА
Компанијата ги објави финансиските резултати за вториот квартал и првото полугодие.
31.07.2023
„ОКТА“ ја зголеми добивката за 44 проценти
Компанијата одлично се снајде во предизвикувачки услови за работа
28.02.2023
Македонија ќе треба да плати отштета од 21,5 милиони евра за ОКТА
Станува збор за договор од 1999 година кога на власт беше Владата предводена од ВМРО-ДПМНЕ на Љубчо Ѓоргиевски
22.12.2022
Оттаму додаваат дека побарувачката за горива на домашниот и извозниот пазар достигна 923 илјади m³, притоа забележувајќи раст од три проценти споредено со истиот период минатата година.
„Финансиските резултати за третиот квартал од 2023 година вклучуваат и 50 милиони денари (813.000 евра) данок на солидарност, согласно со одлуката на Собранието донесена на 25 септември 2023 година“, велат од компанијата.
