„Шел“ (Shell Plc) го забрза темпото на откуп на акции откако добивката на компанијата се зголеми во третиот квартал благодарение на комбинацијата од повисоки цени на енергијата, посилно тргување со гас и повисоки маржи за рафинирање.
Настапот на оваа компанија, кој беше во согласност со очекувањата на аналитичарите, претставува врв на сезоната обележана со мешани резултати за големите нафтени компании. Американските гиганти не ги исполнија очекувањата, што ги засени неодамна најавените аквизиции, додека нивните европски колеги се претставија подобро од очекуваното.
Bloomberg Mercury
„’Шел’ заврши уште еден квартал со силни оперативни и финансиски перформанси“, наведе извршниот директор Ваел Саван во изјавата објавена во четвртокот. „Вкупната набавна вредност од 6,5 милијарди долари во втората половина од годината е значително над петте милијарди ветени во јуни“, рече тој.
Приспособениот нето-приход на „Шел“ од јули до септември изнесува 6,22 милијарди долари, што е за 23 отсто повеќе во однос на претходниот квартал, но е помалку за една третина во однос на претходната година, се наведува во соопштението. Нафтениот и гасен гигант со седиште во Лондон најави дека ќе откупи акции во вредност од 3,5 милијарди долари во следните три месеци, во однос на три милијарди долари во претходниот период.
Компанијата веќе истакна дека имала добри резултати во тргувањето со природен гас во третиот квартал, со што го дополнила падот на производството. Вкупното производство на нафта и гас се намали за девет отсто во споредба со претходните три месеци.
Според „Шел“, одржувањето на постројката и намалените количества од Египет ќе продолжат да влијаат на производството на природен гас до крајот на годината.
Стратегиите за раст на нафтените големини се во центарот на вниманието по минатомесечните договорени преземања на „Ексон“ (Exxon Mobil Corp.) и „Шеврон“ (Chevron Corp.), чија вкупна вредност е повеќе од 100 милијарди долари. Главните извршни директори ги отфрлија сугестиите дека треба да го следат примерот на нивните американски ривали.
.webp){kind=icon}
