.webp){kind=icon}
Најголемите инвеститори во компанијата „Опен еј-ај“ (OpenAI) - „Мајкрософт“ (Microsoft), „Трајв капитал“ (Thrive Capital) и „Тајгер глобал“ (Tiger Global Management) - вршат притисок да се врати Сем Алтман како извршен директор, велат извори запознаени со ситуацијата.
Истите извори наведуваат дека како дел од овие напори инвеститорите настојуваат да се замени тековното раководство. Развојот на ситуацијата е сè уште нејасен, а доколку бордот одлучи да се повлече, како што некои информации сугерираат, инвеститорите веќе имаат список на можни нови директори.
Одборот на „Опен еј-ај“ се најде на удар на критики поради одлуката во петокот да го разреши Алтман, што ги изненади инвеститорите. Менаџментот како причина ја наведе неискрената комуникација на Алтман, како и несогласувањата околу безбедноста и комерцијализацијата на вештачката интелигенција. Проблем беа и деловните планови на Алтман надвор од компанијата.
Прочитај повеќе
Еден од главните ликови за ВИ, Сем Алтман, отпуштен од „Опен еј-ај“
Главниот директор за технологија Мира Мурати ќе биде привремен извршен директор.
18.11.2023
По разрешувањето на Алтман, претседателот на компанијата ја напушта „Опен еј-ај“
Објавата уследи само неколку часа откако одборот го разреши извршниот директор, Сем Алтман.
18.11.2023
„Опен еј-ај“ ќе го паузира прифаќањето нови корисници на ЧетГТП
Компанијата на Алтман воведе нови функции и надградби на ЧетГПТ
15.11.2023
„Опен еј-ај“ преговара за продажба на акции вредни 86 милијарди долари
Стартапот кој стои зад вештачка интелигенција „ЧетГПТ“ (ChatGPT) преговара со потенцијални инвеститори за трансакцијата
19.10.2023
Со текот на годините, Алтман работеше на трансформирање на „Опен еј-ај“ од непрофитна во комерцијална компанија и беше движечка сила зад развојот на нови алатки кои луѓето ги користат за извршување на различни задачи.
Алтман наводно е подготвен да се врати во компанијата, но во тој случај би барал промени во начинот на кој се води истата.
