Компании

„Блекстоун“ размислува за инвестиции во недвижности во Европа

Извор: Swetha Gopinath, Katherine Griffiths, Francine Lacqua/Bloomberg

28 ноември 2023, 12:04

Нив ги привлекуваат инвестиции во центри за податоци, магацини и студентски домови низ Европа

Шварцман ја истакна важноста од брзото усвојување на вештачката интелигенција во компаниите

„Вложувам само во места што сум подготвен да ги посетам двапати“, рече Шварцман

„Блекстоун“ размислува за инвестиции во недвижности во Европа

Bloomberg

Шефот на „Блекстоун“ (Blackstone), Стив Шварцман, рече дека неговата компанија ги разгледува можностите за купување недвижен имот низ Европа, бидејќи обемот на бизнисот почнува да закрепнува поради олабавувањето на монетарната политика.

„Нив ги привлекуваат инвестиции во центри за податоци, магацини и студентски домови низ Европа“, рече Шварцман во интервју за телевизијата „Блумберг“ на маргините на глобалниот инвестициски самит во Лондон.

„Мислам дека сме повеќе на страната на циклусот за закрепнување, иако ситуацијата е малку мрачна веќе една година“, рече Шварцман, претседател и извршен директор на „Блекстоун“, во интервјуто.

Неговата компанија во текот на месецов се здружи со инвеститори, вклучувајќи ја и „Пермира“ (Permira), за да ја купи европската компанија за онлајн реклами „Адевинта“ (Adevinta ASA) во договор вреден околу 14 милијарди евра.

Како што превирањата од ерата на пандемијата ѝ отстапија место на растечката инфлација, централните банки низ светот ги зголемија каматните стапки. Тоа ги забави пазарите, што е лоша вест за приватните инвеститори.

„Најголемата грижа“ на инвеститорите е да не не добијат поврат на капитал бидејќи имотот не се продава, рече Шварцман, додавајќи дека „ваквите циклуси секогаш завршуваат и работите се враќаат во нормала“.

На инвестицискиот самит учествуваат истакнати директори и банкари, меѓу кои и Џејми Дајмон од „ЏП Морган“ (JPMorgan Chase). Британската влада претходно најави презентација на нови инвестиции од 29,5 милијарди фунти на самитот, иако најмалку 10 милијарди фунти беа веќе претходно најавени.

Конференцијата доаѓа во време кога британската влада се обидува да привлече инвестиции во слабата економија. Многу компании се жалат на недостигот од поддршка и пораката што се испрати до пазарот со откажувањето од страна на Владата за дел од изградбата на долго планираната брза пруга.

Шварцман претходно учествуваше на панел со британскиот премиер Риши Сунак, каде што ја истакна важноста од брзото усвојување на вештачката интелигенција во компаниите. Тој исто така рече дека средбата меѓу Кина и САД месецов треба да помогне за подобрување на односите меѓу двете земји.

Шварцман кажа и дека Британија останува атрактивно место за инвестирање благодарение на нејзиниот правен систем, универзитетите и научната експертиза. Тој посочи дека новото седиште на „Блекстоун“ во Лондон ја одразува довербата во економијата на земјата.

„Имам едноставно правило - инвестирам само во места што сум подготвен да ги посетам двапати“, рече претседателот и извршен директор на „Блекстоун“.

Германија ги менува фискалните правила за да ја трансформира европската одбрана
Политика

Германија ги менува фискалните правила за да ја трансформира европската одбрана

Германија ќе го измени Уставот за да ги изземе трошоците за одбрана и безбедност од ограничувањата на фискалните трошоци и ќе направи „сė што е потребно“ за да ја одбрани земјата.

05.03.2025

Сите новости од рубриката Бизнис

Бизнис

ЕУ казни дел од автомобилските гиганти со 458 милиони евра за картелско здружување
Компании

ЕУ казни дел од автомобилските гиганти со 458 милиони евра за картелско здружување

Истрагата на ЕУ откри дека 16 големи производители на автомобили, како и Европската асоцијација на производители на автомобили, пред повеќе од 15 години склучиле договори против пазарната конкуренција.

02.04.2025

сите новости од рубриката Бизнис

Регистрирајте се за да продолжите со читање. Регистрирајте се

Продолжете со читање со одбирање на една од опциите подолу

БЕСПЛАТЕН НАЛОГ

Прочитајте го овој и уште четири други текстови (не се однесува на премиум текстови)

Бесплатен билтен

Регистрирај се

Претплата

Неограничен пристап до премиум содржина на сите 5 портали

Неограничен пристап до ТВ и видео содржина

Ексклузивни приказни и анализи од Businessweek Adria

Истражете ги понудите

Активирајте уште една бесплатна статија и продолжете со читање.

Отклучи сега

Искористивте еден бесплатен текст.

Го цениме вашиот интерес за веродостојни информации. Активирајте уште една бесплатна статија и продолжете со читање.

Отклучи сега

Искористете ја ексклузивната понуда денес! Читајте неограничено за 1 € неделно.

Добијте неограничен пристап денес

Продолжете

Искористете ја ексклузивната понуда денес! Читајте неограничено за 1 € неделно.

Вашите конкуренти веќе го знаат ова. Дали ќе останете тивки?

Приклучете се сега за само 11 € месечно!

Истражете ги понудите