text size
„Тесла“ (Tesla Inc.) ќе поправи повеќе од 2 милиона возила - што е најголемо повлекување на возила од оваа компанија досега - откако врвниот американски регулатор за автобезбедност утврди дека системот за асистенција на возачите, автопилот (Autopilot), не прави доволно за да заштити од злоупотреба.
Потегот е резултат на долгогодишна истрага за дефекти што Националната управа за безбедност во сообраќајот (НХТСА) ќе ја држи отворена за да ја следи ефикасноста на поправките на „Тесла“. Портпаролот на НХТСА рече дека истрагата открила оти мерките на „Тесла“ за задржување на вниманието на возачите се несоодветни.
„Автоматизираната технологија ветува многу во однос на подобрување на безбедноста, но само кога се користи одговорно“, соопшти НХТСА во средата. „Денешната акција е пример за подобрување на автоматизираните системи со ставање приоритет на безбедноста“.
Bloomberg
„Тесла“ во својот извештај за отповикување најави инсталација на софтвер со кој ќе се вградат дополнителни контроли и предупредувања, на 12 декември или кратко потоа. Акциите на производителот на автомобили паднаа за 1,9 отсто од 10 часот наутро на тргувањето во Њујорк.
Повлекувањето е второ годинава што ги вклучува системите за автоматско возење на „Тесла“, кои се под лупа откако се случија стотици сообраќајки - од кои некои резултираа со смртни случаи. Додека главниот извршен директор Илон Маск со години предвидува дека производителот на автомобили е на работ да понуди целосна автономија, автопилотот и бета-функциите што „Тесла“ ги промовира како целосно самостојно возење бараат посветеност и внимание од возачот, кој треба да ги држи рацете на воланот.
Автоматскиот пилот е стандардна карактеристика на „Тесла“, така што повлекувањето влијае на огромен број возила на компанијата по патиштата во САД. Производителот користи повеќе камери за да ја следи околината околу своите возила, со цел да се држи интеракција со околниот сообраќај и да им помогне на возачите да останат во обележаните ленти.
„Тесла“ пласираше функционалност на повисоко ниво, која ја нарекува ФСД бета (FSD Beta), од крајот на 2016 година. Тој пакет на функции беше отповикан во февруари, откако НХТСА изрази загриженост околу возилата што го користеле системот, што возеле на незаконски или непредвидлив начин, вклучувајќи и надминување на ограничувањата на брзината и нецелосни запирања.
.webp){kind=icon}
