„Маерск“ (А.P. Moller-Maersk A/S), втората по големина компанија за транспорт на контејнери во светот, соопшти дека се подготвува да продолжи со испораките преку Црвено Море, благодарение на мултинационалната поморска единица што ќе ги штити бродовите од нападите на јеменската бунтовничка група Хути.
„Во моментов правиме планови за првите пловила што ќе ја поминат транзитната маршрута и како да ги спроведеме што е можно поскоро“, велат од компанијата. „Безбедноста на нашите вработени е од најголема важност и врвен приоритет во предизвикувачката ситуација во регионот на Црвено Море/Аденскиот Залив“.
Прочитајте повеќе: САД со патрола ќе ги штитат бродовите во Црвено Море од напади на Хутите
Најавата доаѓа само два дена откако компанијата со седиште во Копенхаген соопшти дека очекува хаосот во Црвено Море, предизвикан од нападите со беспилотни летала управувани од Хутите, да трае со месеци.
Во соопштението објавено во неделата, „Маерск“ посочи дека започнувањето на операцијата „Просперити гардијан“ (Prosperity Guardian), специјална поморска единица формирана од САД и сојузниците, е „добредојдена вест за индустријата“. САД и нивните сојузници истакнаа дека размислуваат за воена акција против групата Хути, која има поддршка од Иран.
По стравувањата дека војната меѓу Израел и Хамас може да ескалира во регионален конфликт, САД викендов го обвинија Иран дека поддржува напад на танкер во Индиски Океан.
„Маерск“ по најавата за транзит низ Црвено Море нагласи дека „ризикот во таа област не е целосно елиминиран“. Компанијата соопшти дека „нема да се двоуми“ кога станува збор за повторна процена на безбедноста на бродовите и нејзините вработени.
Нападот на бунтовничката група Хути врз трговските бродови предизвика бродските компании да го избегнуваат јужниот дел на Црвено Море.
.webp){kind=icon}
Во моментов нема коментари за веста. Биди прв да коментира...