„Алјаска ерлајнс“ ќе ја приземји целата своја флота од авиони Боинг 737 Мах-9 откако дел од трупот на задниот дел на сосема новиот авион падна набргу по полетувањето.
Авиокомпанијата презема мерки на претпазливост за привремено приземјување на својата флота од 65 авиони додека не заврши инспекцијата, рече главниот извршен директор Бен Миникучи. Летот 1282 превезувал 171 патник и шест членови на екипажот од Портланд, Орегон, до Онтарио, Калифорнија. Во инцидентот нема повредени.
Кинескиот авијациски регулатор одржува итен состанок за да го разгледа можното приземјување на флотата на „Боинг Макс“ во Кина, иако авиокомпаниите таму не летаат од типот на авион вклучен во инцидентот на „Алјаска ерлајнс“.
Приземјувањето на „Боинг“ претставува најостриот одговор откако целата флота на Maх беше привремено приземјена во 2019 година по две смртоносни несреќи. 737 Max е убедливо најпопуларниот авион на „Боинг“ и неговиот најголем извор на приходи.
Кина беше првата земја што го приземји 737 Max по две несреќи пред неколку години. Односите постепено се подобруваа, а во декември Кина ја зеде првата испорака на поголемите 787 по години. Испораките на 737 допрва треба да продолжат.
Bloomberg
По полетувањето, летот 1282 беше во воздух приближно 20 минути и достигна височина од приближно 4.800 метри. Екипажот потоа пријавил „проблем со притисок“, според Федералната управа за авијација. Сликите кои кружат на социјалните мрежи го покажуваат задниот лев дел од трупот со дупка што личи на отворање на вратата. Внатре во авионот, кој на „Алјаска ерлајнс“ и беше испорачан дури во октомври, се откорнал и дел од ѕидот на кабината, при што е изложен изолациониот материјал.
Националниот одбор за безбедност на транспортот и ФАА соопштија дека го истражуваат инцидентот. „Боинг“ соопшти дека собира повеќе информации и е во контакт со авиокомпанијата и дека нејзиниот технички тим е подготвен да ја поддржи истрагата. Агенцијата за воздухопловна безбедност на Европската унија соопшти дека проверува дали ќе треба да преземе акција.
Bloomberg
737 Max има модуларен распоред на трупот, што овозможува попроменлива инсталација на вратите за итни случаи, во зависност од бројот на седишта. Ова им дава на операторите поголема флексибилност со конфигурацијата на кабината.
„Алјаска ерлајнс“ планираше повеќе од 5.000 летови со Боинг 737 Мах 9 во јануари, според податоците на „Цириум“. Во моментов има 215 авиони Max 9 во служба ширум светот, со уште 76 по нарачка, вклучително и 25 нарачани од „Алјаска ерлајнс“.
.webp){kind=icon}
