text size
„Епл“ (Apple Inc.) е најновата голема технолошка компанија која ги зауздува плановите за вработување и трошење, додавајќи докази дека дури и гигантите од Силиконската долина се загрижени за рецесија во наредните месеци.
Производителот на „ајфон“ сака да ги ограничи расходите и зголемувањето на работните места во некои од неговите оддели, објави Bloomberg во понеделникот, иако Apple не усвои политика на ниво на целата компанија. Повнимателниот став го пресликува пристапот на неколку големи технолошки компании, вклучувајќи ги „Амазон“ (Amazon.com Inc.), „Гугл“ (Google) и „Мајкрософт“ (Microsoft), кои веќе презедоа чекори за да го забават трошењето.
Bloomberg
Веста предизвика пад на акциите и стравување околу сезоната на технолошката заработка, која започнува оваа недела. Можеби ќе биде тешко за компаниите да ги смират нервозните инвеститори.
Засега, повеќето од големите технолошки компании не зборуваат за укинување на работни места, туку само за намалување на стапката на нови вработувања. И вкупниот раст на работните места во САД не запира.
САД додадоа 25.000 работни места за информации во јуни, со што таа категорија е за 105.000 повисока отколку непосредно пред пандемијата.
Но, некои технолошки компании одат дотаму што кратат работни места. Тоа го вклучува Microsoft, кој минатата недела рече дека елиминира некои позиции како дел од реорганизацијата.
Намалувањето влијае на помалку од 1 отсто од вкупната работна сила на Microsoft од 180.000 луѓе, а компанијата сè уште очекува да ја заврши годината со зголемен број вработени.
Минатиот месец, „Тесла“ (Tesla Inc.) отпушти стотици работници и затвори објект во Калифорнија посветен на нејзината технологија за самостојно управување на автомобилите, според извори запознаени со ситуацијата.
Главниот извршен директор Илон Маск претходно изјави дека отпуштањата ќе бидат неопходни во сè постресната економска средина. Тој во интервју за Bloomberg појасни дека околу 10 отсто од вработените кои земаат плата ќе ги загубат своите работни места во следните три месеци, иако вкупниот број на вработени може да биде поголем за една година.
„Нетфликс“ (Netflix Inc.) и „Пелотон“ (Peloton Interactive Inc.), исто така, отпуштаа работници во последниве месеци. Netflix скрати неколку стотици работни места во јуни, а Peloton штотуку ги објави плановите да го затвори своето внатрешно производство.
„Мета“ (Meta Platforms Inc.), мајчинската компанија на „Фејсбук“ ги намали трошоците и го забави вработувањето за некои високи позиции. Во април, компанијата објави дека планира да ги намали трошоците за 3 милијарди долари оваа година. Идејата е тимовите на Meta да се префокусираат на основните приоритети, како што е метаверсот и Reels, клонoт на TikTok.
Meta, исто така, го запре развојот на еден од своите рани прототипови на паметни часовници и го репозиционираше својот видео уред за дома, Portal, за да се фокусира повеќе на деловните клиенти наместо на редовните потрошувачи.
Клучното прашање во текот на последната сезона на заработка е дали побарувачката од потрошувачите е омекната. Apple предупреди во април дека последниот квартал ќе биде рапав, но најмногу поради предизвиците во синџирот на снабдување.
Овие проблеми се очекува да збришат дури 8 милијарди долари од продажбата на Apple во кварталот. Инвеститорите треба да добијат појасна слика за штетата и изгледите на Apple за следните месеци, кога компанијата ќе ги објави резултатите на 28 јули.
.webp){kind=icon}
