.webp){kind=icon}
„Тесла“ (Tesla Inc.) беше многу блиску до нивото да ја престигне една од најценетите германски марки на автомобили минатата година.
„Ауди“ на „Фолксваген“ (Volkswagen AG) продаде 1,89 милион возила во 2023 година, тесно надминувајќи ги испораките на американскиот производител, кој имаше 1,81 милион. По три години пад, германскиот бренд успеа да остане пред овој конкурент, со зголемување на продажбата за 17 отсто, благодарение пред сè на силната побарувачка од Кина, Европа и од САД.
Bloomberg Mercury
Како и повеќето европски производители на автомобили, „Ауди“ во последниве години се бореше со недостиг од делови и сложена промена на електричните автомобили. Премиум брендот минатиот месец соопшти дека го намалува своето производство на електрични автомобили (ЕВ) за да избегне оптоварување на фабриките и дилерите во услови на побавен раст на продажбата.
Прочитај повеќе
„Тесла“ повлекува 1,6 милиони автомобили во Кина поради ризик од несреќи
Системите за автоматско возење на „Тесла“ беа предмет на зголемена контрола по стотици судири
05.01.2024
„Шаоми“ го претстави првиот електричен автомобил
Нападот на „Шаоми“ кон електричните возила во суштина е облог од 10 милијарди долари.
28.12.2023
„Тесла“ купи земјиште за изградба на фабрика за батерии во Шангај
Бизнисот за производство на електрична енергија на „Тесла“ носи брз раст на приходите.
22.12.2023
Два милиона автомобили од „Тесла“ ќе мора да добијат подобрен софтвер за автопилот
„Тесла“ ќе поправи повеќе од два милиона возила во најголемото повлекување на возила од оваа компанија досега.
14.12.2023
Метеорскиот пораст на „Тесла“ неодамна малку забави. Главниот извршен директор Илон Маск им изјави на аналитичарите пред една година дека компанијата има потенцијал да произведе два милиона автомобили во 2023 година, но серија намалувања на цените не успеаја да поттикнат доволно побарувачка. „Тесла“ испорача повеќе возила од очекуваното во четвртиот квартал, но тоа не беше доволно за да остане пред кинеската „БЈД“ (BYD Co.) во глобалната продажба на електрични автомобили.
Додека Германците напредуваат префрлајќи се кон електричните возила, тие сè уште се мини во споредба со „Тесла“. Американскиот производител на автомобили минатата година продаде повеќе целосно електрични возила отколку „Ауди“, „БМВ“ и „Мерцедес-бенц“ заедно.
