.webp){kind=icon}
Британските возачи мораат да издвојат двојно повеќе за да ги осигурат електричните возила отколку моделите со мотори со согорување, што претставува дополнителна пречка за префрлање кон автомобили со нулта емисија.
Просечната премија за осигурување за електрични возила скокна на 1.344 фунти (1.700 долари) на крајот на минатата година, што е приближно двојно повеќе од трошоците за покривање на традиционалните автомобили, покажуваат податоците на британскиот осигурителен брокер „Хауден“. Групата наведе повисоки трошоци за поправка, повеќе време поминато во работилници и недостиг на механичари обучени да ги поправаат батериите на електричните возила.
„Времето за поправки се зголемува, трошоците за компонентите се зголемуваат и веројатно ќе видите повеќе отпишани електрични возила бидејќи преостанатите вредности се особено ниски во моментов“, рече извршниот директор на компанијата за Велика Британија и Ирска, Карл Шукер.
Bloomberg Mercury
Зголемените трошоци за осигурување на електричните возила – кои се веќе поскапи од споредливите модели на гориво – се лоша вест за индустријата која покажува знаци на забавување.
„Тесла“ минатата недела ги намали цените на својот најпродаван „Модел Y“ на пазарите вклучувајќи ги Германија, Франција и Норвешка. „Ауди“ во декември соопшти дека ја редуцира употреба на овие возила. Низ поголемиот дел од Европа, вклучително и Обединетото кралство, клиентите се соочуваат со криза на трошоците за живот и бавен напредок во додавањето инфраструктура за полнење.
Цената на премиите за осигурување на електрични возила, кои се зголемија побрзо од покритието за моделите на мотори со согорување, пораснаа за 50 отсто минатата година. Индустријата се бори со последователните потреси од проблемите со синџирот на снабдување предизвикани од пандемијата и војната во Украина.
Осигурителите негираа профитерство и тврдат дека има малку што можат да направат без да загубат пари бидејќи премиите се засноваат на трошоците и зачестеноста на штетите. Според „Хауден“, барањата за електрични возила се во просек 35 отсто поскапи од тие за возилата со внатрешно согорување.
Растот на пазарниот удел на електричните возила во Обединетото Кралство запре за прв пат во 2023 година, нагласувајќи ја намалената побарувачка за автомобили на батерии.
