.webp){kind=icon}
„Tриглав Осигурување“ лани оствари нето добивка од работењето во износ од 47,3 милиони денари (769.000 евра) што претставува раст од 6,8 милиони денари (110.000 евра) во однос на 2022 година, соопшти компанијата преку Македонската берза.
Оттаму информираат дека нето приходите од премија за 2023 година се зголемени за 4,2 проценти, приходите од финансиски вложувања се зголемени за 0,9 проценти, а приходите по основ на провизии од реосигурување се пониски за 1,7 проценти.
Од друштвото очекуваат умерено макроекономско опкружување во текот на 2024 година.
Прочитај повеќе
Како гигантите го искористуваат деловниот потенцијал на регионот
Најголемиот ризик што го препознаваат компаниите е сè побрзата емиграција.
03.11.2023
Вилма Учета Дузлевска заминува од Триглав Македонија на чело на УО во Хрватска
Учета Дузлевска е генерален директор на Триглав осигурување живот веќе трета година
05.06.2023
„Неизвесноста предизвикана од геополитичките случувања (руско-украинскиот конфликт, конфликтите во Средниот Исток) како и високото ниво на каматни стапки на глобално ниво, може негативно да влијаат на oчекувањата. И покрај тоа, „Триглав Осигурување“ во претстојниот период очекува да ја задржи профитабилноста и сигурноста во работењето.“, наведуваат од компанијата.
Оттаму очекуваат раст на премијата во 2024 година од околу четири проценти во однос на 2023 година. Добивката исто така се очекува да се движи во нагорна линија и да достигне 51 милиони денари (829.000 евра).
