„Кока-Кола“ ги зголеми прогнозите за 2024 година над очекувањата, а растот планира да го постигне со различни производи.
Гигантот за пијалаци предвидува раст на органскиот приход од шест до седум отсто, а очекувањата на аналитичарите изнесуваат 5,9 отсто. Компанијата, исто така, објави органски раст на приходите во четвртиот квартал од 12 отсто, што е над процените.
По неколку квартали во кои цените растеа за да се компензираат зголемените трошоци за стоките и другите инпути, „Кока-Кола“ најави дека цените на нејзините комбинирани производи се зголемиле за девет отсто на квартална основа, повеќе од очекувањата на аналитичарите.
Компанијата соопшти дека бројот на пакети на глобално ниво се зголеми за два отсто на квартална основа, поттикнат од Латинска Америка и Азија. Бројот на пакети во Северна Америка е намален за еден отсто.
„ПепсиКО“ минатата недела објави приход под очекувањата како и пад на обемот во нејзините единици за храна и пијалаци во Северна Америка. Растот сепак се нормализира бидејќи однесувањето на потрошувачите се враќа на нормите пред пандемијата, рече извршниот директор на компанијата, Рамон Лагуарта.
„И „Кока-Кола“ и „ПепсиКо“ треба да работа многу повеќе на планот на обемот“, вели консултантот за индустријата за пијалаци Џон Сичер. „Нивната способност да ги зголемат цените сега се намалува. Тие треба да најдат начин повторно да го зголемат обемот на производство или начин да се диверзифицираат“. Подоцна овој месец, „Кока-Кола“ ќе го објави својот прв нов пијалак по неколку години, пијалак со вкус на малина наречен Coca-Cola Spiced.
Акциите поскапеа за 0,2 отсто во претпазарното тргување во Њујорк во вторникот.
.webp){kind=icon}
