Дивидендата ја разгоре трката: Фатмир Етеми купи 500 акции од „Комерцијална банка“

„Комерцијална банка“ АД Скопје преку Македонската берза соопшти дека Фатмир Етеми, член на Надзорниот одбор на банката, се стекнал со 500 обични акции издадени од „Комерцијална банка“.

Тој е уште еден од менаџерите во банката кои во изминатиов купуваат акции. „Блумберг Адрија“ веќе пишуваше дека од почетокот на февруари годинава Илија Илоски, главен оперативен директор и член на Управниот одбор се стекна со 100 обични акции издадени од „Комерцијална банка“, Горан Антевски, член на Надзорниот одбор на банката се стекна со 100 обични акции и  Билјана Максимовска – Поповиќ, главен директор за корпоративно банкарство и член на Управниот одбор се стекна со 100 обични акции издадени од банката.

Своевидната трка по акции во банката дојде во пресрет на денешната објава на предлог одлуките за Собранието на акционери на банката во кои меѓудругото се предлага исплата на дивиденда во бруто износ од 910 денари по акција за 2023 година односно вкупна сума од 33,7 милиони евра.

 

 

 

Во моментов нема коментари за веста. Биди прв да коментира...

Остави коментар