„Комерцијална банка“ лани оствари нето-добивка од 3,5 милијарди денари (58,2 милиони евра), што е за 66,6 проценти повеќе во однос на претходната година, покажува неревидираниот биланс на успех на бнката објавен преку Македонската берза.
Од банката информираат дека позитивниот резултат од работењето го оствариле во услови на зголемена неизвесност поврзана со случувањата на меѓународните финансиски пазари на почетокот од годината (особено заради случувањата во банкарските системи во САД и Швајцарија), зголемени геополитички ризици надополнети со новата криза помеѓу Израел и Хамас и континуираното затегнување на монетарната политика во трите квартали од 2023 година кое резултираше со очекувано забавување на инфлацијата кон крајот на годината.
„Но истата и натаму се задржа на ниво од 9,4 проценти просечно годишно, што е значително над поставениот таргет од околу два проценти.“, напоменуваат од банката.
Прочитај повеќе
„Комерцијална банка“ преговора со повеќе инвеститори за купување на имотот „Еуроникел“
Евентуалната стечајна постапка нема никаква врска и допирни точки со сопственоста на банката врз преземениот имот и опрема.
23.01.2024
„Оилко“ ќе се задолжи кај „Комерцијална“ и „Халк банка“ за преземањето на „Макпетрол“
Се предвидува компанијата да се задолжи во „Комерцијална банка“ АД Скопје до максимален износ од 3.259.532.386 денари (53 милиони евра).
27.12.2023
„Комерцијална банка“ со присилна наплата го презеде „Еуроникел“
Банката стекнала сопственост на недвижен и движен имот во вредност од 38 милиони евра.
12.12.2023
Кои се рекордерите на Македонската берза?
Над илјада трансакции годинава биле остварени само со акциите на „Комерцијална банка“ (3.861 трансакција) и на „Алкалоид“ (1.856 трансакции).
22.11.2023
Ретка можност за „брак“ меѓу македонски банки, колку кеш ќе чини?
„Комерцијална банка“ подолго време е гладна за раст. Прашање е дали по „утката“ со „Еуростандард банка“, ќе ја земе „Стопанска банка“ АД Битола?
02.10.2023
Можно присоединување на Стопанска банка Битола кон Комерцијална банка
Во оваа рана фаза постапката не претставува намера за присоединување и во ниту еден аспект нема обврзувачки карактер
26.09.2023
Остварената добивка пред исправка на вредност, која претставува показател за оперативната способност на банката да ги покрива расходите од работењето, е за 41,4 проценти поголема во однос на 2022 година. Зголемувањето на добивката пред исправка на вредност главно произлегува од зголемените приходи од редовно работење, односно од нето-приходите од камати кои бележат значително зголемување што се должи на порастот на основната каматна стапка на Народната банка и на каматните стапки на странските финансиски пазари, во комбинација со структурата на активата на банката.
„Зголемувањето на каматните стапки во извештајниот период беше резултат на напорите за намалување на инфлацијата на светско ниво.“, наведуваат од банката.
Вкупните приходи од работењето на „Комерцијална банка“ изнесуваат околу седум милијарди денари (114 милиони евра) и бележат зголемување од 28,1 проценти во однос на претходната година. Нето-приходите од камата претставуваат основна компонента во формирањето на вкупните приходи од работењето и на 31.12.2023 година истите бележат зголемување од 68,2 проценти, планот е остварен со 147,9 проценти.
„Притоа треба да се укаже дека иако пораст бележат сите категории каматни приходи, најголемо влијание има порастот на каматата од финансиски друштва, а во помал обем влијае и порастот на приходите од камати од нефинансиски друштва, нерезиденти и држава. На пример, каматните приходи остварени од финансиските друштва, каде доминираат пласманите во благајнички записи и депозитите во НБРСМ, се петкратно поголеми, а кај нерезидентите, каде преовладуваат пласманите во странски банки, приходите се зголемени за повеќе од три пати споредено со минатата година.“, велат од банката.
Оттаму објаснуваат дека во текот на минатата година започна циклус на затегнување на монетарната политика преку зголемување на каматните стапки, како во ЕУ и САД, така и кај нас.
„Така, каматната стапка еурибор, која во текот на 2022 година се движеше од минимално под нула до околу 3 проценти кај 12-месечниот еурибор, оваа година достигна околу 4 проценти. Кај благајничките записи, каматната стапка започна да се зголемува во април 2022 година и на 31.12.2022 година изнесуваше 4,75 проценти, додека на 31.12.2023 година истата достигна 6,30 проценти.“, велат од банката.
Во однос на наредниот период, од „Комерцијална банка“ велат дека макроекономските прилики во текот на 2024 година се условени од домашните политички случувања, како и од сѐ уште неизвесниот и непредвидлив глобален амбиент и присутните ризици предизвикани од продолжената војна во Украина и дополнително од новиот воен конфликт Хамас-Израел, послабиот раст на кинеската економија како втора по големина во светот, рецесијата во Германија како наш најголем трговски партнер, понатамошното затегнување на меѓународните финансиски услови и зголемениот финансиски стрес кај високо задолжените земји.
„Ваквиот амбиент создава ризици за економскиот раст, инфлацијата и екстерната позиција. Високото ниво на неизвесност во домашната економија и на меѓународен план упатуваат на потребата од поконзервативен пристап во обликувањето на очекувањата за 2024 година, при што се земени предвид проекциите објавени од Министерството за финансии, Народната банка, ММФ и Светската банка.“, велат од банката.
Оттаму очекуваат банкарскиот систем и натаму да обезбедува солидна кредитна поддршка, но малку поумерена, во услови на затегнати монетарни услови, преземени макропрудентни мерки и континуирано зголемување на стапката за противцикличен заштитен слој на капиталот кај банките.
„Кредитниот раст во 2024 година би изнесувал околу 6,4 проценти, додека растот на депозитите се предвидува да биде околу 7,6 проценти.“, велат од банката.
.webp){kind=icon}