Најновото претставување на паметни телефони на „Шаоми“ (Xiaomi Corp.) го привлече вниманието на купувачите во Југоисточна Азија, бидејќи компанијата се обидува да ја врати изгубената позиција, која ѝ ја одзедоа другите врвни играчи, вклучувајќи ги „Самсунг“ (Samsung Electronics Co.) и кинескиот конкурент „Трансион“ (Transsion).
Светското претставување на уредите „шаоми 14“ и „14 ултра“ на Светскиот конгрес за мобилни телефони во Барселона го втурна името на „Шаоми“ во првите 10 листи во Малезија и на Филипини. Додека ајфон на „Епл“ (Apple Inc.) доминира со интерес во Југоисточна Азија како и глобално, „Шаоми“ го презеде второто место од „Самсунг“ во Индонезија пред една година, кога се лансира неговата претходна генерација.
Производителот на телефони со седиште во Пекинг игра на тоа дека ќе го врати приматот унапредувајќи ја технологијата на камерата, поради што се здружи со германската „Лајка камера“ (Leica Camera) за технологија на леќи, користејќи го големиот сензор за слика LYT-900 на „Сони“ (Sony Group Corp.) за главната камера во својот модел „ултра“.
Прочитај повеќе
„Шаоми“ го претстави првиот електричен автомобил
Нападот на „Шаоми“ кон електричните возила во суштина е облог од 10 милијарди долари.
28.12.2023
„Хуавеј“ покажува дека Кина има замена за американската 5Г-технологија
Паметниот телефон „мејт 60 про“ покажува значителен напредок во дизајнот и инженерингот на домашните редиофреквенциски чипови.
11.12.2023
Двоцифрен раст на продажбата на паметните телефони на „Хуавеј“ и „Шаоми“
Кинеската мобилна индустрија е заглавена во продолжена контракција, по презаситеноста од резерви што се разви пред една година.
14.11.2023
По „Епл“ и „Гугл“ ќе произведува телефони во Индија
Компанијата „Алфабет“, која е сопственик на „Гугл“ ќе започне со навремено производство во Индија на своите паметни телефони „пиксел 8“.
19.10.2023
„’Шаоми’ оствари значаен раст на повеќето пазари во тој регион во последниот квартал од 2023 година, враќајќи се од двоцифрениот пад пред една година“, вели Киранџит Каур, директор за истражување во ИДЦ (IDC).
„Во Југоисточна Азија, иако дел од ова може да му се припише на закрепнувањето на побарувачката на потрошувачите, напорите да се насочи портфолиото, да се средат проблемите со каналите на продажба и да се фокусира на новото портфолио на производи му помогнаа на ’Шаоми’ да добие предност“, рече Каур.
На долг рок, „Шаоми“ се сопна во борбата со ривалите како „Самсунг“ и „Трансион“ на пазарите во Југоисточна Азија бидејќи побарувачката останува слаба во Кина. Испораките на паметни телефони во тој регион се очекува да пораснат за 7 отсто годинава, откако забележа умерен раст од 4 отсто во последниот квартал од 2023 година.
.webp){kind=icon}
